AA ralkap Pawl Min Aung Hlaing Nin Covid- 19 Sii Chuh A Timh Hna

Min Aung Hlaing nih Rakhine ram ah hriamtlai phu pakhat a si mi AA Ralkap Pawl a mah he caansau pi aa tu mi hna cu China ram ah a cawk mi Covid-19 sii kan bawmh hna lai i i chun hna seh tiah a chim. AA Ralkap an i ralring lo a si ahcun thih sii zong a si ko caah an i fimkhur le ralring tein an tuah a herh tiah an langhter chih.kalay news

Relchap:Sept 7 ah NUG nih ram pumpi huap kahdohnak ni (D-Day) a thanh hnuin ralhrang le mipi vengtu ralkap hna kahdohnak a fak chin lengmang. Sept 20, tuni ah cun “Dothlennak dothnihnak a phan cang lai (တော်လှန်ရေးနောက်တဆင့် လာတော့မယ်)” tiah NUG Defense Minister U Yee Mon nih a thanh.

D-Day thanh hnuah Mandalay, Rangoon le ramhcung hmunkip ah nifatin in kahdohnak le puahkehnak a um peng. Ralhrang nih an thatlonak le sualnak an chuah chin lengmang bantukin mipi vengtu ralkap zong nih ralhrang le an lei ttang hna cu fak chinchin in an doh ve hna.

Ralhrang nih an khanhmi khua/sang bawi hna zong nifatin in thah an tong. Cucaah khua/sang bawi cheukhat cu an rian in an i ngol. NUG Denfense Minister U Yee Mon nih cun “Dothlennak tuah chung i inn le lo a rawkmi hna cu mipi cozah nih tuanvo a lak ko lai” tiah a chim fawn. BBC

Be the first to comment

Leave a Reply

Your email address will not be published.


*