AA ralkap nih hramhram in chinmi Paletwa mino raltuk a cawnpiak mi hna cu August 16 an an zaam tiah theih a si. Mah kong he pehtlai in raltuk an cawnpiak ter mi hna hi kanmah chinmi bak an si i, AA nih hin hramhram in an tlaih hna i raltuk an cawnpiak mi hna tu an si tiah an chim . Mah raltuk an cawnpiak mi hna hi August 16 ah minung 10 cu anzaam i, August 20 ah khan a himnak hmun an phan cang tiah theih a si.
AA ralkap nih hin kanmah chinram khi anmah nih uk i kan chinram Paletwa khi chuh dingin an kan timh mi a si tiah media zeimawzat nih an chim. A ngaingai tiah cun Chinram Paletwa khi a kau taktak mi ram a si i, Rakhine nih an kan chut ahcun chinram cu a bi te lawng a tang cang lai.
Mi tampi nih nan ruahdamh in ca hi tial hlah uh tiah an kan ti. Ruah damh a si lo AA nih chinram hi lak hrimhrim an i tim ti cu a fiang ngai cang ko. Paletwa ah zung thu pawl minung tampi hi Rakhine mi an si i Rakhine holh deuh an hman hna. Paletwa hmun tampi ah khin AA ralkap lawngte an um cang. pahmun Mh
Thawngdang: Nizaan August 20 ah Sagaing ramthen Yinmapin, Myoma palek sakhan in hriamnam le phaisa he a zaam mi palek senthum pa chungle cu ralhrangbu nih an tlaih hna. Ralhrangbu nih tlaih dingin hmun cheukhat cu biatak tein an hlathlai i, Zaw Min Win nu le pa pin ah a nupi le a fanu zong ralhrangbu nih an tlaih hna tiah theih a si.
Ye-tat-kyat-kyi Zaw Min Win nih Myoma palek sakhan in BA-63 pakhat, kuan 120, phaisa sing 940, ralhrangbu nih an tlaih mi coin 100 leng le case file hna he CDM a luh pi tiah theih a si.
Hriamnam, sui, tangka le document pawl a tlik pi ti a si.Amah nih a tlik pi mi a si le silo cu fiang tein theih a si lo.Amah hi an tlaih khawh lo ruangah a nu le pa, a nupi le fanu hna cu nizaan zaanlei ah ralhrangbu nih an tlaih hna. Thil a zampi mi cheukhat cu July 10 ah Mungyua-Gangaw-Kalay lam mawtaw an cheknak in an tlaihpiak mi thil hna a si tiah theih a si.
Ref; မ်က္ေမွာက္ေခတ္
Leave a Reply