AA Ralkap He Pehtlaih Nak A Ngei Mi Kawlram Thawngzamh Zung Pathum An Tleih Hna

Arakhine Army (AA) chungin biachim nak nawl a ngei biktu le ralkap bawi a si mi Khai Thuh Kah sinah thawngthanh nak a tuah lengmang tu hna Myanmar Media pawl cu March 30 ah khan a nunchung vialte thongthlak dingin thil thalo a tuah mi a si tiah biaceih zung ah an rak chuah pi cang.

Hi thawngzamh tu an tleih mi hi mandalay ah hrambunh mi Voice Of Myanmar thawngzamh zung a si i an tleih mi hi Editor U Ney Myo Lin a si, U Ney Myo lin hi police nih March 30 ah khan an rak tleih mi a si i Myanmar Cozah nih ralhrnag ah a chiah mi hna AA sinah a thlithup in thawngthanh nak le pehtlaih nak a ngeih lengmang hna tiah pohmah 50 (a) le pohmah 52(a) in a hmuh an phonh i biaceih zung ah an chuahpi mi a si.

Cun March 30 ah AA ralkap pawl umhmun an khuar nak ah thawngzamh a tuah ve lengmang tu hna Nira-uh-ra thawngzamh ah Editor a si mi U Khai Myait Kyaw zong police nih an tleih ve i Kawlram nih media kong ah phung a ngeih ning tein tiza cuai a si ve lai tiah.

Cupinah Yangon ah hrambunh in thawngzamh an a tuan ve lengmang mi hna Khit Thit Media Editor a si mi U Tha Lwin Song Htet zong a um nak inn ah March 31 zaan ah khan CID pawl nih an ral kalhnawh i biahal nak le a sining hlathlai nak an tuah ve tiah Myanmar Media Concil nih thawngpang an thanh ning a si.

Ref: DVB

 189 total views,  1 views today

This function has been disabled for Chin 11 News.