AA le ralhrang kahngolnak an tuah thlahnih chungah ralhrang nih Rakhine ramah hriamnam aa khon,aa chek thluahmah pinah an biakam mi Rakhine mi AA he nan i pehtlai tiah ralhrang nih thong an thlaakmi hna cu,ralhrang nih a thlah duh hna lo.
Mah lengah thlahnih kal an kahngolnak tuah chungah Rakhine ram hmunkip ah ralhrang kal in,”Rakhine mipi nih AA hi bawmchan hna hna hlah uh,zum hna hlah ulaw tiah tlang an au cuahmah.
Mah vialte ruahchih in AA biachim tu pa nih ” zeitik caan pohah aa kap kho dirhmun kan si e” tiah a hun i hrocer ve cang.
Kei cu,ralhrang nak in khuachia khuavaang bia ka zumh deuh cang.ralhrang he kahngolnak tuahmi hriamtlai phu poh an chungtlik dih tawn hna ticu kut tongh a si ko.
Relchap>>>>>>>Ralhrang Hi NUG Nih Kan Tei Hna An Timi Hi Kan Tei Taktak Hna Maw
Ralhrang kan dohnak hi kum hnih a tling cang i kan teihn maw tiah cun kee i kan tei ko hna. An kalnak lam poh le an umnak cu mipi ralkap nih fuh le kah peng an si i an cawl kho tuk lem lo . A sinain khua pi le myo poh cu mipi ralkap nih pakhat hmanh an la kho ve lo.Mipi nih an kan tei tiah an i ruat theng ve lo. kan raltuk zoh tik ah khuapi kan kah i kan lak lo a si ahcun kan ram hi i tei lo in buainak lawng te aa peh ko rih lai i ram dai ah an ser kho lai lo.
NUG nih aa timh ning a si ahcun tukum bak ah hin ral kan tei lai i tukum hi khuapi kan luhhnawh ni a si lai tiah an bia kam cu a si. Mipi caah kan kan thawh ko a si ahcun kan temtuar ve cu a hau ko. Kan raltuk mi teinak dingah cun khuapi bak kan luh hnawh i hriamtlai pohpoh kan lung aa rual i voi khat bak ah kan nam hna a hau ko.
Leave a Reply