AA Ralhrang Nih Paletwa Sipin Bawi An Tleih Than

A poi ngaingai mi thawngpang pakhat kan theih than hoi. Tulio zawtnak tihnung ruang ah lungrethei le thinphang in kan um cuahmah lio ah kan Chin unau tampi hna cu zeitin dah Arakan ralhrang kut in ka him khawh lai tiah thinphang thla lau ngai in an um hna.

“Nizan zantim ah khan Paletwa myoh chung ah a um mi sipin bawi pakhat U Myint Maung cu AA hralhrang pawl nih an tleih tiah thawng kan theih” tiin Chin-Media in kawl ca in a rak langhter I a poituk hringhran tiah comment a tial mi zong an tamtuk hringhran hna.

Hi kong he pehtlai in zeiruang ahdah AA hralrang nih hin U Myint Maung hi an tleih ti cu fiang tein theih a si lo nain nizan zamtim ah khan an tleih ti mi cu a hman mi si ko tiah an rak chim cio. Chin miphun hi kan umnak hmun cio in au khuang sawhsawh awk kan tha ti lo. Hi ti ning te in cun AA nih Paletwa lawng hmanh siloin kan Hakha Thantlang chung hmanh ah khin an rak phan lai lo tiah a ho nih dah a chim khawh.

Fimnak in ram caah riantuan caan a si ti lo I kan Chin unau dirhmun zoh tikah cun kan thazaang in cawlcangh caan nih an kan phak ko cang. Lungrual tein hmunkhat ah kan dir caan a si cang. Soisel le thangchiat caan asi ti lo.

Source: Chin-Media

 374 total views,  3 views today

This function has been disabled for Chin 11 News.