AA Nih Paletwa Ah Tatmadaw He Kahdoh Nak Ah Hin Thil Phun 2 Tumtah Mi An Ngei

AA nih Chin ram si mi Paletwa cu Kan chuh hna lai tiah ruah chan nak kan neih tiah an ti. Paletwa hi Mirang chan lio ah khan Rakhine State ah rak chiah mi asi; cu ca ah tutiang kan ram tiah an ti nak asi.

Cu ca ah AA nih Paletwa in tan an lak nak zong hi asi; Cun AA nih hin Paletwa hna lak khawh e mah ten uk nak kha an duh. Cu si tik ah AA nih thil phun 2 tumtah mi an neih ti afiang. Pa khat nak ah Mah te uk nak, Pa hnih nak ah Paletwa lak an ni tim ti hi ruahdam kho si.

Cu kong he peh tlai in kan thei ding mi cu tuchan ah Ral tuk in tei e Ram chuh ti mi hi aum ti lo khan si; a ruang cu Rakhine(AA) nih Paletwa kan lak lai an ti si cun Paletwa Mi pi nih an lung tlin ve hau; a ruang cu tu ah Chin State ah aum ca ah AA nih an lak duh cun (Paletwa)Mi pi nih Rakhine State ah kan um lai tiah Vote an pek ahau; Vote pek nak hmenh ah 70 % nih Vote an pek kho lawng ah Paletwa kha Rakhine State ah khum asi ve lai.Fawi ten an laa kho lai lo cu chung ah tan kan rak lak ve ahau.

AA nih an lak kho lo zong ah hi hnu lei zong ah Buai nak hme hme te te cu aum peng ko lai.Thisen a chauk lang mang cang ko lai. India le Pakistan kan lo cang ko lai. Paletwa Mi pi kha thazaang kan pek peng hna an hau ko hih.(Lung rual cu Thazaang asi Lung Rual cu Rum nak zong si.)Tedim/ Mindat/Matupi/Paletwa /ThanTlang/Hakha/Falam/Tonzang mah hna hi Chin State um mi kan si, kan Unau dang cu Miram ah State in aum mi zong an um hna.

Tahchun nak ah Kaley myo zong hi Chin (Ram) arak si Nain tu ah cun Sagaing ah aum ve mi si; Mah kan ram hi lak kan duh tiah kan ti cun kan chim cang ban tuk khan Kaley Mipi nih Vote kan pek ahau.Kaley Myo lawng si lo in Kalewa (ချင်းတွင်းမြစ်-Chin-Dwin-Myit) tiang khi asi. Tu chan kan mi no pawl nih mah kong hi an thei ahau Kan lung fim hau cang.

Note: Commend ah Holh chia in mi ti hlah asi lo mi le na lungtling lo mi um cun Inbox ah. adih lak tial ding cun atam tuk ca ah hi vel si rih seh,a Kum le Ho chan ti pawl kha cu hal kho ka si ko Inbox ah (Salai Lal Lian Hlawn Ceu)

Catialtu: Salai Lal Lian Hlawn Ceu

 189 total views,  1 views today

This function has been disabled for Chin 11 News.