AA Le Ralhrang Karlak Ah kahdohnak A Fak Chin lengmang

November 8 nikhat chung ah AA le ralhrang hna kar ah kahdoh nak hmun (5) ah a chuak,Ralhrang lei in (10) an thi ii hriamnam cheukhat kan laak tiah AA nih a than

Rakhine ralkap AA le SAC ralhrang hna karlak ah kaphnih kahdoh nak cu November 8 nikhat chung lawng ah hmun (5) ah a chuak ii ralhrang lei minung 10 tluk an thi tiah AA nih November 9 ah cathanh an chuah hi a si.Rakhine ram nitlak lei ralhrang hna sakhan um nak An peng, MinPyia peng, Maung daw peng , le Paletwa peng chung hna ah hi tin kahdoh nak a chuah hi a si.

Minppyia peng ,Khaung Lawng chaung khua ii Nitlak chak lei meng 1 tluk aa hlat nak ah ralhrang tatmah 55 kuttang ralhrang hna , Hriam nam le kuan zen hna aphawr tu ralhrang hna Z tilawng 1 le cu tilawng humhim nak a laak piak tu Helicopter 1 cu ralllam 2 in kan kah hna tiah AA nih cun a langhter. Cu Z tilawng cu fakin a rawk lo nain a cung cuang ralhrang cheukhat an thi ii aa hliam mi an um .

An peng , Kazu-Kaing khua in nitlak thlanglei meng 2 tluk aa hlat nak AA ralkap pawl um nak lei ah ralhrang hna an rak luh caah November 8 chun hrawng ah kaphnih kar kahdoh nak minute 45 chung tluk a chuak tiah theih a si.Cu ni thiam thiam ii a zanleisang ah An peng ,Hin-ywat khua in Nichuah thlanglei metre 500 tluk aa hlat nak ah ralhrang khah-mah-yah 308 le 354 tangti phu hna le AA kar ah kahdoh na achuak than.

Maungdaw peng, Wet-Kying khua ii Nichuah chaklei ah ralhrang tatmah 77 le Kying-Chaung Nah-khah-khah tangti phu hna cu AA ralkap hna um nak lei ah rallam an sial than caah kahdoh nak a chuak.Paletwa peng , Paka-wa khua kam zong ah slm cheu tluk kaphnih kahdoh nak a chuak .Cu tin kahdoh nak chung hna ah ralhrang lei in minung 10 tluk an thi ii hliam tuar zong an um hna leng ah hriamnam cheukhat zong kan laak khawh tiah an langhter.

Cu tin kahdoh nak chung ah ralhrang lei nih , Myay-Pung peng , Kyu-Kyia khua ii chaklei ah a um mi Yu-Chaung byuhakung in le ,An peng , Suit-Chaung khua ii nitlak chaklei ah a um mi Sui-Chaung Byuaha-Kung hna in hriam ngan in kah an bawmh hna tiah an cathanh chung ah cun an langhter.

Be the first to comment

Leave a Reply

Your email address will not be published.


*