AA Bawi Thun Myat Niang Nupi Fale Ramthumnak Ah An Kal Lai

AA ralkap bawi Thun Myat Naing nupi fale cu UNHCR in ramthumnak ah an kal lai. AA hriamtlai an bawibik Boyoke Thun Myat Naing le a nupi fale hna cu UNHCR tawlrelnak in ramthumnak ah a kal ding an si tiah theih a si.

AA hriamtlai an bawi Thun Myat Naing i a nupi Hnin Zar Phyo le a fapa kum khat tling lo, a fanu kum 9 hna cu Thailand ram Chaing Mai khuapi ah December 6, 2019 ah khan Thailand immigration nih an rak tlaih hna.

Kawlram ah kuat an rak timh hna nain an rak i let than. A tu ahcun UNHCR ah an case kuat piak an si cang i US silole Canada ah kal ding in timhtuah piak an si tiah Thailand immigration nih an chim.

An nunnak a himnak ding caah nuhrin covo phu hna zong nih biatak tein an bawmh hna. Kawlram ah kuat ahcun Kawl ralkap kut ah a um ding an si ruang ah Thailand cozah nih Kawlram ah kua loin UNHCR he tu an pehtleihter hna. UNHCR nih an tawlrel cuahmah lio a si i a tu hi immigration lockup ahcun an um rih ko.

 

 172 total views,  1 views today

This function has been disabled for Chin 11 News.