Thantlang khua sianginn sang i khuakiang kap myopatlan hrawng ah bomb a puak rih lo mi a um tiah thawng theih a si. Cucaah thantlang khua mizapi chawhvah le umkal i ranring hna usih. a si khawh ah cun lengchuak lo tein um khawh ah a tha bik ko.
pa khatkhat bomb phunphai nan hmuh sual a si ah cun ho hmanh nih tongh lo ding le lak colh lo ding a si lai. nan hmuh ah cun rian ngeitu sinah thawng nan thanh colh hna lai.The Thantlang Times
Relchap: Mogok(မိုးကုတ်) ah kum-5 ngakchia tlaihhrem in thah a tong Mandalay ramthen,Mugok peng Ngawngkungauth(ညောင်ကုန်းအောက်) khua ah nizaan zaanlei ah kum-5 ngakchia nu pakhat tlaihhrem hnu ah thah a tong tiah theih a si.
Thah a tongmi ngakchia nu te cu a thil thuam tling tel lo in a thi tiah min langhter lo mi pakhat nih a chim.
“Thlanhmun pawngah a ruak cu an hlonh, ngakchia nu te cu a tanglei thilthuam tel lo in a um,a lu ah lung in cumh mi ko a lo, cun tlaihhrem a tong” tiah a chim.
Thah a tong mi ngakchia nu te cu Mugok khua Mintada veng ah um mi an si tiah theih a si.Atu ah lunghrinh mi minung pakhat cu palik nih an kal pi tiah khuami pakhat nih a chim.
” Cu pa cu palik nih an kal pi cang, amah si ko lai tiah ruah in lunghrinh mi cu a rak i thial nak a sau rih lo, thlakhat luan hrawng lawng a si rih, cu pa cu checkhlatnak an tuah cuahmah lio a si, cu pa nih cun ngakchia nu cu au in a kal pi lio ah a hmu tu an um” tiah a chim.
Palik phu hna nih an tlaihmi lunghrinh mi pa cu, rithai sii a hmang mi a si i, voi tampi atu le tu thongtla mi si tiah khuami hna nih an chim.#The 74 Media; TCP
Leave a Reply