A Tlangval Pakhat Nih Nau An Pawi Hnu Ah A Zam Tak Nain Tlangval Dang Pakhat Nih Nupi Ah A Thit!

Abbygial Marquez nungak tleirawl pakhat cu a tlangval he nau te an pawi nain a tlangval pa nih tuanvo a la ngam lo caah a zam tak. A tlangval nih a zam tak nain Abbygial nih lungdong lo tein nau te cu ngeih (hrin) a tim thiamthiam.

A tlangval nih tuanvo la ngam loin a zam tak hnu ah nungak nu te cu hmailei ka caah zeithil khi dah a tha hnga ti zong a ruat kho hlei ve lo. A sinain a paw a lian tuk hnu ah Pathian khuakhan kan ti hnga maw tlangval dang pakhat a tong. Cu a tongmi tlangval pa cu a hlan a tlangval he cun an i dang lawlaw ti khi si.

A tlangval thar hi Jay timi a si i, catang tangli tiang lawng a kaimi a si. A sinain nungak nu he hin a rak i thei cia an si. Abbygial hi Jay nih a ngakchia lio tein a thil tein a rak duhtuk nain a duhnak chim manh loin hmun dang ah an rak i thial. Caan sau a rua hnu ah Facebook in an i tongthan hi a si.

Facebook i, an i tongah hin Abbygial cu a paw a lian tuk cang.A sining vialte a theih dih hnu ah Tlangval Jay nih cun biakhiahnak tuah in Dawtnak he a thit, hmunkhat ah khua an sa!

Chungkhar an ser hnu ah Abbygial Marquez nih fanu te a hrin i, Jay nih a mah fa zoh in a zoh i a dawt tuk. Rian a tuan lo caan ah nau te a um tawn i, hmun kip a kalnak ah a fanu te cu aa hruai, a mah thisen hrinmi fa bantuk in a zoh. Mirum chungkhar si hna hlahmanh seh law, chungkhar nuam tuk ah an ser kho thiamthim.

Note: Zeitindah nan ruah cio! Laknak: Laileng Midia