A Thluak Tha Tuk Ngamsam Nain Vanchiat Nak Ruang Ah An Tlaih Diam

Singapore ram, Clementi hmunhma ah kum 64 a si cang mi nu pakhat cu riitsii tam ngai he kan tlaih tiin Singapore police nih thawngthanh nak an tuah. Hi kum 64 nu nih hin Bing rang le Ecstasy sii tlang pawl, a dihlak in Singapore Dollar 3,0000  man cu Mai pum chung ah a rak chiah hna I phohte pawl pek ding in a rak kal pi hi a si.

Singapore ah riitsii lei tuavo ngeitu hna police pawl (CNB) nih kum 64 tarnu tlaih khawh nak ding ah Clementi Avenue 5 in an rak bawh ve, cun pitar nu cu a umnak Apartment in a rak chuak I anhringso a zuar ding mi bantuk in anhringso pawl cu a rak chuah pi hna I inn tang a phak ah police pawl nih cun hngap tiah an tlaih cawlh ve hi a si. Cun a kut cung ah Bin rang 0.4 gram, Ice 1 gram le Singapore Dollar 2276 zong an tlaih chih pinah Mai chung ah riitsii ceilak zong cu an tlaih hi a si.

Cun a umnak room chung ah an luhpi I a room chung an chek tikah cun Mai pum (Pumpkin)  chung ah bing rang 240 gram le Ecstasy sii tlang 500 zong cu an hmuh chap rih hi a si.

Cun kan hnu thla July 21 ah khan ungti (coconut) chung ah riitsii tamtuk an rak tlaih hoi cang I tutan ah mai pum chung ah an tlaih than rih hi a si caah Singapore police pawl cu khuaruah har in an um ko hna.

Source: Akon Thi

 163 total views,  1 views today

This function has been disabled for Chin 11 News.