A Tha Tuk E! Suu Kyi Caah Thawng Tha Bak Si!

Hnangam ngai asi cang, Suu Kyi caah Thawngttha taktak bak theih asi. Ram Tthawng ttha taktak mi pa7 bak nih Suu Kyi cu Biatak tein an Dirpi cang tiah theih asi! (G7 tiah auh mi hna an si)

Khah Bawipa atha tuk hringhran ko. Kan thlacam aunak hi a lak hrimhrim a si lailo. Kan hnangam ko hna usih. G7 timi Vawlei cung ram thawng 7 hna nih NLD an dirpi. Ralkap sual an phawt hna. Thimnak nan cohlan a hau, nan tlaihmi pawl thlah hna uh law Hlutdaw meeting au zawk uh an ti. Hi ram hna cu Canada, France, Germany, Italy, Japan, British, US ti an si.

Ralkap hna nih a diklo ningin nawl ngeihnak an chuhmi hna pek tthan uh tiah an ti hna. Cun phung ninglo in an tlaih khihmi hna zong rianran tein thlah tthan ding in an ti fawn hna. Hi bantuk in NLD diorkamh tu ram tthangtha 7 hi upat an tlak kho taktak. Thil dik an ttanh ti a lang khotuk. Bawipa tunih an thinlung ah riant tuan chin koseh. Cred:BBC

Relchap: 2021 February 1 zingka ah Ralkap nih nawlngeihnak an lak mi kong he pehtlain in Chin Ramkulh Ramkheel party 3 in upa cheukhat nih an hmuhning February 2, The Hakha Times ah an chim cio. Hi kong ah CNLD Party Chairman Pu No Than Kap nih Keimah pumpak hmuhnak ahcun Union Election Commission (UEC) nih thimnak an tuah lio ah ralkap nih nawlngeihnak la cang ko u ti tluk in rian an tuan tiah karuah.

Phundang cun hi thil a can ding hi UEC nih lam an sialcia bantuk a si. Ralkap nih siseh, USDP le party dang nih report zong an tuah lengmang ko hna khah. A fawinak cun, UEC nih an i palh rumro ko tiah The Hakha Times ah a chim.

1962 kum Ne Win nih nawlngeihnak a lak i a thlaici tuh mi a nung peng rih ti cu a fiang bik mi si ko. Khatlei belte ah 2008 phunghram nih lai a rel ve tik ah Ralkap nih cun an duh tik poh ah nawlngeihnak cu an lak khawh ko i an duh can an uk ko lai. Anmah nih cun, kum 1 hnu ah thimnak kan tuah than lai an ti ko i a fiang lo ngai tiah ZCD party Secretary Pu Gin Kam Lian nih The Hakha Times ah a chim.

Hi kong ah Chin Ramkulh USDP party Chairman le atulio Hluttaw Palai Dr. Hmuh Thang nih hi nawlngeihnak an lak mi kong hi kei cu a ruah awk ka hngal bak lo. Cheukhat nih cun USDP le Ralkap hi aa khat in an kan ruah peng. Thil sual poh hi kanmah party an kan puh peng. Zeihmanh kan i pehtlaihnak a um lo i atu nawlngeihnak an lak mi kong zong zeihmanh kan thei lo tiah The Hakha Times ah a chim. Cred: Thehakhatimes