Mirum timi cu? Bill Gates, ngangmah nakin a rum deuhmi na kan chim kho hnga maw? tiah bia an hal. A lehmi hna cu, “Voikhat cu New York airport ah vanlawng ka rak hngak. Newspaper zuartupa kan sin a rak phan. Cawk ka timh i newspaper ka lak hnuah phaisa bawm ah phaisa ka ngei ti lo caah ka pek than.
Phaisa a ngeilo ti kha newspaper zuartupa nih a ka theih i laksawng ah a ka pek. Ka lawm tuk. A hnu thla hnih hrawngah cuka thiamthiam ahcun vanlawng ka hngak than. Newspaper zuartupa cu a ra than. Cawk ka duhtuk nain cawknak phaisa ka ngei lo kha a ka theih i, newspaper cu laksawng ah a ka pek than. Ka lawm tuk i ka philh kho lo.
Pathian nih rumnak a ka pek hnuah newspaper zuartupa cu ka kawl ter hna i kan inn ah ka auh, na ka theih maw tiah ka ti? Newspaper zuartupa nih cun kan theih ko, Bill Gates na si a ka ti. Ka lehmi cu Pathian nih rumnak a ka pek ve cang, atu cu nangmah laksawng pek kan duh ve. Na ka dawtnak ka philh lo. Zeidah kan tuah piak lai? tiah ka ti. Newspaper zuartupa nih cun zeihmanh ka herh lo.
Nangmah Newspaper kan pekmi cu ka ti khawh tawk te pei a si ko cu. A miak ka hmuhmi tein kan bawmhmi te a si. Nang cu na rum hnu lawngah mibawmh na thim, a sinain kei tu cu atu ka harsat bu tein mi ka bawmh peng hna ee, zeihmanh ka herh lo” tiah a ka leh. Cu bia nih cun khua fakpi in a ka ruahtermi cu keimah nakin a rum deuhmi pa cu “Newspaper zuartupa hi a si tiah ka fiang” tiah a ti.
Nang teh “rumnak” hi zeitindah na tah? Jesuh nih cun nuhmeinu phaisa sen pahnih te kha chaw pe tambik ah a ruah ve ko(Luke 21:1-4 Mark 12:41-44). A ruang cu phaisa tam/tlawm ah siloin pekduhnak thinlung put nih a chuahtermi lungput ah na sining aa hngat. Nun va siang law na rum lai (Phungt.11:25). Pathian nih fiannak in pe ko seh. Amen. By Rev. Sang
Leave a Reply