A Sunglawituk Ee: Ralhrang Inn Khangh Mi Cu PDF Nih An Thianhhlimh Piak Hna

A Sunglawituk Ee: Ralhrang Inn Khangh Mi Cu PDF Nih An Thianhhlimh Piak Hna

Ralhrang Nih Inn An Khanghpiak Mi Hna Khua Mi PDF Nih Thianhhlimhnak An Tuah Pi Hna
========
2023|Vaute 4| Sagaing ramthen Uat-lat peng, Monh-su-chung khuate pakhat ralhrang nih inn an khanghpiak mi hna cu khuami nih thinhhlimhnak an tuah i tualchung mipi ralkap PDF zong nih ni hnih chung an bawmh ve hna tiah kan theih.

“Inn kangmi thinhhlimhnak hi khuami hna dawtnak in kan bawmh mi hna a si, cun pakhat khat tih nung til tete a um sual lai phan ah a tu bantuk in kan mah PDF ralkap minung 30 nih March 2 in 3 tiang kan bawmh hna hi a si.’tiah Eagle Guerrilla Force tuanvo ngeitu nih a chim.
Hi khua cu March 1 ah ralhrang nih inn 52 an rak khangh mi a si. (ref:Myaellatt Athan)

Relchap>>>>>>A Poituk Ee: Ralhrang Nih Minung 5 An Thah Hna Ee

Aukkyaukwut Khua Mipi 5 SAC Ralhrang Nih An Thah Hna
=====
Tanintharyi ramṭhen, Launglon peng Aukkyaukwut khua cu SAC ralhrang nih an luhhnawh hna i mipi 5 an thah hna, tiah theih a si.

“Vaute[March] 4, zing suimilam 9:30 tluk ah Launglon (လောင်းလုံ:) peng Aukkyaukwut (အောက်ကျောက်ဝပ်) khua cu SAC ralhrang le Pyusawhti ralhrang thazaang 50 hrawng nih an luh hnawh hna i mipi inn 5 ah thilri an fir dih.

Cuhnu ah inn 4 an khanghpiak hna pin ah mipi 6 ralhrang nih an tlaih hna i 5 an thah hna, pakhat nih hliamhma faktuk a tuar” tiah tualchungmi nih an langhter.
#Lungmil Post
#Khit Thit Media