A Ropui Ko! Kan I Ruahchanmi Kan Phan Deng Cang !

Kan chimcia bang tutan USA thimnak cu a hnawk in a hnawk kho taktak khi si. Mifim le cathiam ka si aa timi nih cun chim ding a um ti lo, Biden hi US president a si ko cang ee, zei hmanh nan thei lo an kan ti.

Ziah cu si a si kun ahcun USA President cu Biden a si ee tiah official tein an thanh kun hnga lo! Ruah awk khi a tam ko. Thil cu maw kan theih lo tuk le a si kun hnga, Kan nih nih cun Trump caah ruahchannak a um ko rih tiah kan ruah peng ko hih! Zeicaah official tein thanhnak zong an tuah rih lo pin ah a kenkip loin state kip ah an buai lio a si ti khi kan hmuh khawh mi cu a si.

Ruah awk aum ngaimi cu, Trump le a team pawl nih State kip Tazacuai (lawsuit) an tuahmi kan theih tawk ah a tlam a tling lo. Hihi ruah taktak a herhmi pakhat a si cang! A taktak ahcun Trump team pawl nih state kip tazacuainak hi hlathlainak an tuah hnu lawngah biakhiahnak an tuah ding a si.

Atu thil kal ding kan zoh ahcun Trump team pawl tazacuainak khi, hlathlainak tuah lo bakin an hnawn duahmah mi khi, a taktak ti lo ahcun Democratic pawl an tanhtuk hna caah a si. Tazacuai thil kal ning cu a hopoh nih kan hngalh dihmi a si, A dik le dik lo hlathlainak tuah hnu lawngah bia khiahnak tuah phung a si.

Tutan USA cazacuainak cu hlathlainak zong um lo bak in an hnawn cholhmi khi, ruah ahcun thildiklo bak a um tiah ruah khawh colh a si. Nain kan nih nih kan i ruahchan rihmi cu US biaceihnak sangbik supreme court ah hin ruahchannak a um ko rih tiah kan ruah!

Teinak hi Trump nih a cohrimhrim lai ka ruah. Kan i ruahchanmi cu kan neihchin lengmang ko cang! Thiltuah ding cu tuah kan rian, Biakhiahnak a ngeitu cu Sertu Pathian a si. Catialtu: Cunga