A Ropui Ko Cang Hih: Thantlang CNLD  Miphun Party Thawngthanh (Statement)

CNLD Party CEC  Bahu zung nih 2020 July 11 ni ah nawlchuahmi hna cu Thangtlang CNLD party nih kan cohlang lo.

  1. Chin Miphun party cu 2010 ah Thantlang peng in dirhmi a si. Cu hnu ah Myone kip in dirh cio a si hnu ah cunglei CEC committee ser a rak si. CNP, CNDP in CNLD ah min thlen a s ii, nihin ni tiang CNLD in kan dir.
  2. Thantlang Myone CNLD party cu CPP, CLD an um lo caah Thantlang myone EC cu cunglei CEC upate nih fehternak an tuah.
  3. Thantlang myone candidate caah 1. Pyituh Hluttaw Salai Van Bawi Lian 2. Amyotha Hluttaw Dr. Van Hmun Lian, Pyine Hluttaw No. 1. Pu Lal Maung Cung, No.2. Pu Rung Kaw hna cu Thantlang CNLD EC nih kan fehter hna.
  4. Thantlang Myone CNLD No. 1. Candidate caah Salai Ceu Bik Thawng nih sohluah a chiah i, cu sohluah a chiahmi cu Thantlang CNLD EC upa nih voi 2 tiang kan ceihkhan hnu ah Salai Ceu Bik Thawng cu No. 1 Pyine candidate caah kan cohlang lo. Asinain Thantlang myone myotha candidate caah voi 2 tiang dirpi dingin zaangfah nawlnak kan tuah.
  5. Thantlang myone CNLD EC nih Ceu Bik Thawng kan nawlnak cu a cohlan lo caah 2020 June 29 ni ah mi zapi theih in 2020 thimnak ah kai cuh ti lai lo tiah a facebook le Hakha Post online biaruahnak ah thawngthanhnak a tuah.
  6. Thantlang CNDL EC nih kan cohlan lonak le kan nawlnak kongah CNLD CEC Bahu sinah report nak a kan tuah caah cunglei CEC upa nih U Awm Zaw le U Naing Hai Kaw hna cu date 27/06/2020 ni iah an ra i, meeting tha tein kan tuah hnu ah Myone EC nih hnatlakmi cu CEC Bahu zong nih kan cohlan ko an ti.
  7. Date 2020 July 11 ni ah Thantlang EC le Thantlang Myone candidate kong CEC meeting ah Ceu Bik Thawng nih Agenda a chuahpi caah Bahu CEC nih ceihhmainak an ngei i an biachahnak cu kan van thil chih.
  8. CNLD Bahu CEC nih khua an khami le a biachahnak cu miphun party dawtnak zawnruahnak tel loin pumpak tanpinak a simi Ceu Bik Thawng dirpinak le Ceu Bik Thawng nih Pyine hluttaw No. 1 candidate hmuh khawhnak ding caah biachahmi le nawl chuahmi a si. Cucaah Thantlang CNLD party nih CEC nawl chuahmi hi kan cohlang lo. Ceu Bik thawng he pehtlai in a mah pumpak zawnruahnak lawngin  Thantlang CNLD EC te khuakhannak hrawh le EC upa vialte phuah dih, Candidate tuah ciami hrawh dih zong a poi a ti lo caah a tanglei bantuk in Thantlang CNLD party EC nih thawngthanhnak kan tuah.

 

Biachahnak tuahmi 1. Ceu Bik Thawng cu Thantlang myone CNLD party member sinak in 13/07/2020 ni in kan chuah.

Biachahnak tuahmi 2. Ceu Bik Thawng cu Thantlang pengah CNLD Miphun a hmun chung candidate caah luhnak nawl kan pe ti lo.

Biachahnak tuahmi 3. Ceu Bik Thawng cu CNLD Bau CEC General Secretary a sinak zongin kan phuah piak hna seh.

Credit : Thantlang Miphun Party (CNLD)

 128 total views,  1 views today

This function has been disabled for Chin 11 News.