A Rawk Cia Mi Inn le Lo Le Chawnva Hna Cu Kawl Khawh Than An Si Ko, Thisen In Raltuk Hi Man A Ngei Bik

A Rawk Cia Mi Inn le Lo Le Chawnva Hna Cu Kawl Khawh Than An Si Ko, Thisen In Raltuk Hi Man A Ngei Bik

”A rawk cia suingun chawva
cu kawl khawh ṭhan a si ko nain,
Mipi Nih Thisen Le Thlantiput In Chuahmi Fangkhat Te Hmanh
Man a ngei tuk.
Dohthlennak ah
Ral a tu cuahmah mi
Mino hna hi kan chungchuak
Fa le bang daw hna usih tiah Forhfial kan duh hna. (NUG Acting President Duwa Lashi La)

Relchap>>>>>SAc Ralhrang Sakhaan An Hriamnam Chiahnak An Kah Hna Ralhrang Tampi An Thi

Karenni ramkulh Bawlakhe peng chung ah a ummi SAC ralkap hriamngan chiahnak sakhan cu doh in chuh an tong, SAC ralkap 10 an thih pin ah hriamngan 120mm telh in meithal 11 le kuanfang tampi kan laak tiah Karenni lei nih an thanh.

February ni 27, zinglei suimilam 6:30AM hrawng ah Bawlake peng chung khahlahyiah 135, khahlahyiah 54 le Artillery no.360 hna nih hram an bunhnak no.1441 sakhan 2 cu KA battalion 1, battalion 5 le KNDF phufonh nih ruahlopi in an luhhnawh hna, hriamngan chiahnak sakhan pakhat cu minutes zeimawzat chung ah fawi tein an laak khawh tiah theih asi.

Cu sakhan in hriamngan 120mm, 9mm meithal 1, RPG-7 hriamngan 1, machine gun 1, MA-2 meithal 3, MA-4 meithal 1, a min theih rihlomi meithal 2 le bomb, kuanfang hna kan laak khawh. SAC ralkap lei in a thimi minung 10 ruak kan hmuh tiah an thanh.

A pakhatnak sakhan laak khawh hnu zinglei suimilam 8:00AM hrawng ah a pahnihnak sakhan laak ding in kan i timhtuah lioah SAC ralkap nih jet fighter 5 le machine gun, bomb hmang in an kan kahdoh caah hnu kan tolh ṭhan. SAC ralkap nih vanlei in kahdohnak fak tuk in an tuah caah KA, KNDF chungtel nunnak liammi zong an um i minung 15 nih hliamhma an tuar, SAC ralkap sakhan ah laakmi hriamngan 120mm zong an kaltak” tiah Karenni phu in ṭuanvo ngeitu pakhat nih a chim.
Khit Thit Media