Kawlram boruak zoh tikah a tulio kan dirhmun a chiatbik caan hi Min Aung Hlaing nih a dupoh tuah a tim lio caan a lo ngai. nizaan tihni ah thawng a thanh i a mah ca thatnak le thiam a cohnak lawngte a chim. zeitluk in dah mipi an tuar le an thih hi a hngalh ko nain misual thih puh in a kan phuh.
Mipi caah thawng a thanh i a thanh ningin pakhat te zong a tuah lo. mah hihi hlennak si loin lih a si caah, a bia chim a dih tlawmpal ah NUG cozah nih an van thuat colh leng mang. ramchungah zawtnak rai a karh tuk lio a si. hmun kip tiawk ah kahnak le tuknak a chuak hoi fawn.
Ralhrang hi a thimi an tam tuk lawmmam cang caah si lai cu, tlawngcung hriamtlai he biaruahnak le hmunkhat ah riantuan tti a duhnak kong zong a chim i a sawm hna. KIA nih an thanh ning ahcun an co hlang hna lo tiah an chim. KNU le le an mah nih hin a rannak in meeting an tuah i zeihmanh Min Aung Hlaing hi lehnak an tuah rih lo.
A tulio Ralhrang cawlcanghning le Min Aung Hlaing nih phundang pipi in a ruahnak le a duhning in thil kalpi cuahmah a timh i, thawngzong a thanh cang caah mipi hi hinak hin zawtnak kong le raltuk kongah zual lei a panh ko lai tiah an zumh bik.
A rannak in NUG nih raltuknak kong i khua an ruah zau lo a si ahcun mipi hi hi nak in kan thi deuh lai kan tuar deuh lai. A si khawh chung le a ran khawh chungin ramchung raltuknak kong hi NUG nih thawng an thanh zokzok lo a si ahcun hinak fak fahnak le temtuarnak kan ton ko lai.
Chim duhmi cu raltuknak a chuak colh a si zongah mipi cu kan har cang kan zaw tuk cang hna i a dam colh lai ka ti duhnak a si lo. sihmanh sehlaw a ramnak i ral a thawh lawlaw kha mipi caah le ralhrang thlak nak caah a tha bik ka ti duhnak a si. Pahnin Mh
Leave a Reply