A Rankhawh Chung In Sifah Nak An Phakter Kho Tu Thil Phun 5

Zeibantuk thil kan tuah le zeibantuk nunzia kan ngeih ah hindah mirum le upat tlak mi kan si lai tiĀ  hi chim lengmang a si ve bantuk in zeibantuk dirhmuh le ziaza kan ngeih ahhin dah sifah nak kan phak lai ti mi hi kan hun langhter ve lai.

  1. Na Hmuh Mi Mi Nakin Tamdeuh Na Hmanh A Si Ah Cun

Minung tampi hna cu an tuankawl khawh mi nak hmanh in an phaisa hmannak hi a tam deuh lengmang caah zeitluk rethei thaba in rian an tuan hmanh ah thancho nak an phan kho ballo. Cun ka tuankawl mi hi cu ka hman awk hrimhrim a si ti mi lungput a ngei mi zong tamtuk an um ve caah an hmuh mi poh an hman dih lengmang tikah cun thancho nak lam an phan kho lo.

  1. A Herh Tuk Lo Nak Hmunhma Ah Phaisa Hman Tuk

Ka dirhmun hi zeibantuk dah a si ti hmanh ruat kho lo in midang hmuhnak ah a sangngai baktuk in um ter a hmang mi nih zeitik hmanh ah thancho nak a phan bal lo. Tahchunhnak ah Bus in kal khawh nak hmunhma zong ah style ngai in Taxi in manfak ngai in hei kal te hna, thil a tha rih ko mi zong a zoh chia tiin midang pek riangmang I a thar mi cawk lengmang te hna hi a herh tuk lo nak hmun ah tangka suaksaam a si.

  1. Minung Pakhat Te Zong Bawmhchanh Bal Ve Lo

Minung cu pawngkam he a thudir mi kan si hna caah zeitik paoh ah kan pawngkam zohchih in thutdir thiam hi a biapi ngai mi a si. Na rum lio le na si khawh lio ah bomh an hal mi minung poah bia hrang le bia chiakha in na chawnh biak lengmang hna I a hohmanh na bomhchanh duh hna lo a si ah cun harsat nak na ton ve tikah a hohmanh nih an I bawmchan duh ve lai lo.

  1. Leiba Tamtuk Ngeih Lengmang

Sifah nak hrampi le cansau tuk harsa ngai in a kan umter kho tu hi leiba tamtuk ngeih hi a si. Mi pakhat nih phaisa a karh in an hman ter tikah hnangam tuk in phaisa karh cu caan sautuk chung nah man lengmang a si ah cun zeitik hmanh ah thancho nak lam na phan kho lai lo.

  1. Nuamhnak Lawnglawng A Duh Mi Hna

Zeitik hmanh ah hmailei khuasak nak le thutdir nak kong zong ruat ve loin nuamnak phunkip zuudin, phekah, hawikom he I nuamnak hmun kip ah kal lengmang,tangka thap in I zuamnak kip ah I tal ve lengmang te hna hi sifah nak a chuah pi tu an si.

Source: christianpf.com

 

 377 total views,  1 views today

This function has been disabled for Chin 11 News.