A Pu Thattu Misual Cu Palik Nih An Tlaih Cang!

USA, Saint Paul, Minnesota ah ummi Karen pa Lay Hae (Kum 45) cu a tupa Saw Thaw kum (Kum 16) nih namte in a hngawng a ah nak in a nunnak a liam. Lay Hae le a tupa Saw Thaw cu inn chungah Zu an ding tti i Zu an din hlan tein Saw Thaw cu a pu cungah a thin a hung cang, Zu an din lio zongah a Pu he bia an i al cang tiah theih asi.

Lay Hae cu Zu a rit tuk caah inn chungin a lengah a chuak. A tupa nih a hnu lei in a zuan hnawh colh. Amah Lay Hae zong nih a si khawh chung in a zuan hnawh ve. A him nak ding le a luat nak ding ah biatak tein a cawlcang ve. A tupa Saw Thaw nih namte in a ttang ah a sawh chih. Cu lawng si lo in, a hngawng ah namte in a sawh chap.

An inn pawng ummi Christine Sampson nih an i velh thawng a theih tikah Apa Pat Sampson cu a chimh. Pat Sampson nih Saint Paul Police Department (palik) hna cu a ran nakin phone a chawnh colh hna. Palik hna cu caan sau rau lo in thil a cannak inn ah cun July 26, 11:15pm 600 Block of Edmund Avenue West ah an rak phan colh ve.

Asinain, Pu Lay Hae cu namte in a ttang ah voitam tuk sawhnak le a hngawng ah nak in thi a chuah tuk caah hliamhma a tuar kho ti lo in, a nun nak a liam.

Palik hna nih phone call tu pa Pat Sampson bia an hal tikah ” Lay Hae cu Mirang holh a thiam lo nain hawikom tha kan si, Zaanlei ah beer zong kan ding tti theu tawn” tiah a chimh hna.

Wednesday (Nithum ni) ah Saw Thaw cu Ramsey County District Court ah palik nih an phanh pi. Second Degree Murder (kum 40 chung thonginn) thong tla ding asi.

Credit: Minnesota CBSLocal, Twincities

 165 total views,  1 views today

This function has been disabled for Chin 11 News.