A Poituk Lawmmam Ee: Hakha Khuapi Ah Facang Cawkding A Um Tilo A Dih Cang
Hakha Ah Facang Cawk Ding A Dih
===========================
Chin ram kulh, Hakha khuapi ah April 19 in facang cawk ding a um ti lo, vok rawl facang in a thaw bik facang tiang cawk ding a um ti lo tiah theih a si.
SAC ralhrang cu Kalay Myo in March 9 ah an i thawh i April 20 tiang ah Hakha an phan rih lo, Chuncung ah an um rih. Cu ruang ah motor a tlungkal kho lo i Hakha khuapi ah facang a dihnak hi a si.
”Cheukhat cu kan i cawkcia manh ti lo i kan ei lio mi hna lawng kan ngei. Tuan ah facang a tlun lo cun har ngai dawh kan si. Facang cawk ding in Hakha khuapi ka cul i a um ti lo. Cheukhat facang dawr cu an khar hna,” tiah khuami pakhat nih CCN ah a chim.
”Hakha khuapi cu kawl lei in tisik an hnah zong a tlung kho ti lo i kan har ngaingai. Market ah ramlak kawl khawhmi le Hakha khuachung lei tisik an hnah tlawmpal cu an um hna nain a let hnih/thum in an man a kai.
Changreu le a dangdang herhhai hi cu dawr ah an um ngai rih ko. Datsii hi gallon 1 ah thong 20 a phan. Thil man a kai tuk hringhran ca ah kan har bak ko,” tiah thilcawtu pakhat nih CCN ah a chim.Crd.. CCNC
Leave a Reply