A Poituk Ee: Uico Ralhrang Nih CDM A Tuah Mi Ralzam Umnak Ah An Kal Hnawh Hna E

Kayin ram, Myawaddy khua thlanglei kam Lay Kay Kaw Khuathar le Lay Kay Kaw khuate pawl ah kahdoh nak a tamtuk ruangah Myanmar-Thailand ramri Thaung tivakam thluang thluan ah a um mi ralzam sakhan ah CDM a tuahmi pawl kawlding in ralhrang tampi an kal tiah khuami pakhat sin in nizan January ( 19 ) ni ah thawng theih asi.

Ralhrang pawl cu Hpalulay ( ဖလူးလေး ) khuate ah a um mi Democratic Karen Buddhist Army ( DKBA ) sakhan i Kyauk Khat ( ကျောက်ခတ် ) leiah, Myawaddy-Wallay lam in an kal tiah theih asi.

” SAC pawl cu Kyauk Khat lei in an rak kai. Kan nih kan theih ning ahcun CDM a tuahmi pawl tleih an i tim ” tiah ralzam asimi pakhat nih a rak chim.

Ralhrang phu tatmah ( တပ်မ ၄၄ ) chungah a um mi ralhrang ( 140 ) leng cu nizan January ( 19 ) ni zing suimilam ( 10:00 am ) hrawngah Kyauk Khat lei ah an rak kai i DKBA gate nih luhnak nawl a peduh hna lo tiah khuami hna sin in theih asi.

Curuang ahcun ralhrang pawl cu Kyauk Khat khuate lei in silo in an mah an sakhan a um pahnak Wallay lei in an kal than tiah theih asi.

Ralhrang pawl cu Wallay lei in an kalko na in a hnu ah ralhrang thazang an chap chap lai i Kyauk Khat khaute chungah rimrolo in luh i chekhlet nak an tuah dingmi hi kan phangtuk tiah ralzam mi hna nih an rak chim.

” Ralhrang nih hin CDM le PDF pawl lawng an chek, an kawl men hna lai tiah kan ruah. Asilo i ralzam mipi le khuanu khuapa tiangin harnak an kan peksual lai ti hi kan phang tuk ” tiah ralzam mi pakhat nih a rak chim.

Lay Kay Kaw pawngkam khuate pawl i kahdoh nak ruangah Lay Kay Kaw khua telin khuate ( 10 ) hrawng i ralzam mi mipi hi ( 22000 ) hrawng an si cang tiah thei asi. January thla ( 18 ) ni zan hnu ah ruahlopi in ruah a sur ruangah le ralhrang pawl nih chekhleh nak an tuah lai timi thawng pang ruangah hmun hma a thialmi an umpah tiah ralzam mi hna sin in theih asi.

Be the first to comment

Leave a Reply

Your email address will not be published.


*