Sagaing ramthen, Kanbalu peng, Pazikyi khua ah SAC ralhrang nih mibupi umnak hmun cu raltuknak vanlawng in Bomb a thlak hnawh hna caah April 13 tiangah a thi mi ngakchia telh in minung 168 an si cang tiah kan theih.
“Ahmun ah kal in a thi mi hna kong hlathlai nak kan tuah hna tik ah Pazikyi khua pawngkam khua te 9 in an si hna, a tam deuh a thi mi cu inn tek khua mi an si. A thi mi chungah kum 6 ngakchia telh in ngakchia minung 30 leng an thi cang.
A tu tiang a thi mi hi minung 168 an phan cang, hi chungah siizung phak hnu ah a thi mi telh an si rih loh. Mi cheukhat cu an titsa aa thek dih caah theih khawh lo mi zong an um hna caah an ruak a vai vuai mi zong an tam”tiah hi hmun ah thianh hlimhnak tuah a kal mi pakhat nih a chim.
Hliam tuar mi zong minung 70 an si i miruak kawl le thianh hlimh nak zong pehtzulh in an tuah tiah kan theih.
#KNG
Relchap>>>>
Breakking News : Chuncung Ah SAC Ralkap Hriamnam Phortu Leilawng A Kang (ချွန်ကျုံးကျေးရွာတွင်စစ်ကောင်စီတပ် လက်နက်တင်ယာဥ်တစ်စီးမီးလောင်)
Chuncung ah a taapmi SAC ralkap cu Chin ralkap nih a phunphun in an kah tuk hna i, an leilawng tam ngai an hrawh cang hna, tiah theih a si.
Nihin April 13 zinglei suimilam 10:00-1:00 kar hrawngah Chin ralkap nih SAC ralkap hriamnam a phortu leilawng cu drone in bomb an thlakhnawh hnuah a kang i, a kangh ning hi a fah tuk caah Chuncung inn zong a tlaih chih, tiah tualchung mi pakhat nih a chim.
“Nihin April 13 zing suimilam 10:50 tiang ah SAC ralkap le Chin ralkap cu an i kap cuahmah ko. An i kah ning cu a fak tuk hringhran. Chin ralkap nih drone in bomb an thlak ruangah ralkap hriamnam phortu a si lai tiah zumhmi leilawng cu a puak. A puah ning le a kangh ning hi ṭihnung le tuksum ngai a si. Nizan April 12 zong ah SAC ralkap leilawng 3 hrawng cu Chin ralkap nih an khanghpiak cang hna,” tiah tualchung mi pakhat nih cun a chim.
Nihin April 13 zinglei suimilam 11:00 hrawngah Chuncung lungphun Biakinn thlanglei in mei a tho i inn a kang cuahmah ko. A kangh lio pi a si caah inn zeizat dah a kangh cu fiang in theih a si rih lo, tiah tualchung mi pakhat nih a chim chap.
ချွန်ကျုံးကျေးရွာတွင်စစ်ကောင်စီတပ် လက်နက်သတင်ယာဥ်တစ်စီးမီးလောင်
ယနေ့ဧပြီ ၁၃ရက်မနက် ၁၀နာရီ မှ ၁နာရီကြားတွင် ဟားခါးမြို့နယ်ချွန်ကျုံးကျေးရွာတွင်ရှိသောစစ်ကောင်စီ လက်နက်တင်ယာဥ်တစ်စီးသည် ချင်းဒေသကာကွယ်ရေးတပ်ဖွဲ့များကဒရုန်းဖြင့်ဗုံးကြဲတိုက်ခိုက်မှုပြုလုပ်သောကြောင့် ထိုယာဥ်သည် ပြင်းထန်စွာမီးလောင်းမှုဖြစ်ပွားပြီးထိုမှတစ်ဆင့် ဒေသခံလူနေအိမ်များလည်း မီးလောင်မှုဖြစ်ပွားကြောင်း ဒေသခံတစ်ဦးကပြောဆိုသည်။
ယနေ့ မနက် ၁၀နာရီမိနစ်၅၀ထိ စစ်ကောင်စီတပ်များနှင့် ချင်းဒေသကာကွယ်ရေးတပ်ဖွဲ့ကြားပြင်းထန်စွာတိုက်ပွဲဖြစ်ကြောင်းနှင့် ယမန်နေ့ ဧပြီ ၁၂ရက်တွင်လည်း စစ်ကောင်စီတပ်ကား၃စီးခန့် ဖျက်စီးခံရကြောင်း ဒေသခံတစ်ဦးကပြောဆိုသည်။ Crd: TCP
Leave a Reply