Sagaing ramthen, Kalay myo ah August 7 zing sml 10 hrawng ah Mingalar veng No. 11 sianginn pawng eiding lak ding a kal mi mino 7 cu ralhrang nih an tleih hna tiah kan theih.Kalay myo zing lei ah duhlonak langhter nak i ai tel mi mino hna tlaih ding in palik cu mawtaw 3 in an ra i thilthuam sawh buin lamkar lak in an hngah hna.
Duhlonak langh ter nak ah ai tel mi mino hna cu minung an i then khawh colh caah an tlai hmanh hna lo. Tlaih ding in an hngah hna lio ah eidin lak ah a rak ra mi mino 7 cu a bu in nan kal an ti hna i an tleih hna. Asinain cu hna lak ah ralhrang fanu pakhat ai tel i chun sml 12 hrawng ah an rak thlah tiah kan theih.
Kalaymyo ah uknak lak hnu duhlonak langh ter tu hna le a dang an tlaih mi hna 70 hrawng an si cang. Voikhat hmanh zung ah an chuah pi hna lo. Cu pin ah voikhat nak luat nak le voi hnih nak luat zong ah pakhat hmanh an rak thlah hna lo tiah kan theih.
Relchap: Relchap: Pansai peng chung ah MNDAA le ralhrang kar kahdohnak ah ralhrang minung 5 an thi August 3 ,thok in ni 5 chung ah Shan ramkulh Musee pengkomh, Pansai peng chung ah ralhrang phu hna le MNDAA ralkap kar ah kahdohnak a chuak i, ralhrang lei in Duh-Tat-Yin-Hmu,Duh-Tat-Khuai-Hmu tel in minung 5 an thi tiah Kokang thawngzamhnak The Kokang News nih a langhter.
Khah-Mah-Yiah 575 le Tatmat-99 le Khah-Mah-Yiah 79 in minung thazaang 30 hrawng tel mi ralhrang phu cu Pansai khua MNDAA Kokang hmunhma chung ah an rat caah kaphnih kar kahdohnak a chuah hi a si.
Kahdohnak ruang ah Pansai khua pawnghrawng ummi khua chung ah hriamngan tlak in a puah caah mipi lei in minung pakhat a nunnak a liam , khua chung inn hna zong an rawk , khuami hna zong Tuluk ramri lei ah kal in an zaam tiah Kokang thawngzamhnak nih a langhter. #Khit Thit Media
Leave a Reply