A Poituk Ee: Ralhrang Nih Rallam Sialnak Ah Minung 30 Leng An Tlaih Hna

SAC Ralkap Nih Gangaw Peng le Zotung Lei ah Rallam An sial I Khuami 30 Hrawng An Tlaih Hna!

SAC Ralkap Nih Gangaw Peng le Zotung Lei ah Rallam An sial I Khuami 30 Hrawng An Tlaih Hna!: Magwe ramṭhen, Gangaw peng in Chin ramkulh Matupi peng Zotung ram lei ah SAC ralkap hna cu July 24 in hmunhnih ah rallam sial in khuami 30 hrawng an tlaih hna, tiah theih a si.

SAC ralkap hna cu Zotung ram, Zungnat (ယုံနက်) khua in Tilaw (တီလော) khua lei ah rallam hmunkhat in an sial; cun Gangaw le Zotung ramri Zipia(ဇီးပြား), Antta(အန့်တာ) le Ramsi (ရမ်စီး) khua lei ah lut in Ramsi (ရမ်စီး) khuami 30 hrawng an tlaih hna, tiah Supreme Council CDF-Zotung in ṭuanvo ngeitu pakhat nih a chim.

Ṭuanvo ngeitu nih cun, “Hmunhnih in rallam a sialtu SAC ralkap hna cu minung thazaang 80 hrawng an si i, phu khat cu Ramsi (ရမ်စီး) khua pawnghrawng chekhlatnak le thianhhlimhnak an tuah dih hnu ah Ramsi (ရမ်စီး) khuami 30 an tlaih hna, a dang phu khat cu Tilaw (တီလော) lei ah an kal,” tiah a chim.

“SAC ralkap hna nih rallam an sialnak lampi Zipia (ဇီးပြား) le Antta (အန့်တာ) khua kar ah aho si theih lo miruak 2 hmuh a si i, SAC ralkap kut in nunnak liammi an si lai.

“Rallam sialtu SAC ralkap phu khat cu Ramsi (ရမ်စီး) khua pawng ah cawlcanghnak an tuah i, a dang phu khat cu Tilaw(တီလော) in Rezua – Matupi lei hoih in an kal lai tiah zumh a si,” tiin Supreme Council CDF-Zotung in chimphuannak nawlngeitu nih cun a chim.

Tualchung mi hna cu SAC ralkap rallam sialnak hmunhma ah khualtlawng lo ding in le um kallo ding in Supreme Council CDF-Zotung nih ralrin peknak zong an thanh cang. SAC ralkap hna nih cun a luancia July 20 in Gangaw le Htilin peng phone line le internet line an thah caah tualchung thawngpang le thil sining fiang in theih khawh a si lo.Crd.. The Chin Post

Relchap>>>>>Fur caan a si ko nain chin ram chung ah SAC-ralhrang pawl le mipi vengtu ralkap kar kahdohnak cu a fah chin lengmang caah India ram lei ah ralzaam a zaam mi pehzulh in um Peng Tiah UNHCR nih July thla chung ah a thanh.

UNHCR nih a thanh Ning ah cun July thla chung lawng ah chin ram chung in ralzaam minung 726 cu India ram lei an phan i cu ralzaam hna caah cun mukaa pawl hna le thil dang dang hna zong an chambau Ngai Tiah a Thanh.

UNHCR nih cazin a khomh suat Ning ah India ram chung ah ralzaam 41000 hrawng an um Tiah a langh ter nain ralzaam pawl hi hi nak in an Tam deuh kho Tiah Ralzaam bomh nak a tuah tu pawl hna nih an chim.

Mizoram a phan mi ralzaam pawl caah I’d card zong Mizoram cozah Nih a Tuah piak hna. Minung 30000 reng lo kan tuah piak hna Tiah mizoram cozah nih an chim.

Fur caan ah hin cun kahdohnak a dai kho deuh ko nain Chin ram le singaing ram ah cun kahdoh nak a zual ngai.

July thla chung lawng ah kalay Myo in hakha lei ah a rak Kai mi SAC-ralhrang pawl hna nih taal, Tlang Zaar le Chun cung khua hna ah inn 50 reng lo an khangh Tiah khua mi hna nih an chim.

(ဗိုလ်တထောင်) a sang 7 nak ah a um mi khuabawi ဘော်ဘီ cu thah a tong.
Ni Kum Aug thla ah Yangon khua ဗိုလ်တထောင် lam 44 ah SAC-Ralkap uk nak Duhlo nak langh ter nak ah ai tal mi mino pawl hna tlaih ding ah ralhrang he tang ti in Mino pawl inn cung in a zuan ter tu ဗိုလ်တထောင် khua bawi သန်းဝင်း(ခ)‌ ဘော်ဘီ cu kahthah a tong Tiah theih a si.

Nizaan July 28 chun Sml; 12 le minute 30 hrawng ah ဗိုလ်တထောင် Peng lam 42 ah ဗိုလ်တထောင် Peng khua bawi သန်းဝင်း(ခ) ဘော်ဘီ cu meithal in voi 3 an kah i a thi Tiah theih a si.

“A mah hi nikum ah Duhlo nak a langh ter mi lam a zawh mi hna cu ralhrang he tang ti in lam a zawh mi pawl a tlau tu ah ai tal ve. A tu ah cun a thi cang.42 lam cung ဘိုကလေး dawr cung ah meithal in voi 3 an kah i a thih hnu ah palik le ralhrang pawl an rak phan” Tiah khua mi pakhat nih a chim.

Nikum August 10 ah Yangon khua ဗိုလ်တထောင် 44 lam ah SAC-Ralhrang pawl nih inn chung ah an luh hnawh hna i Dohhkennak a Tuah mi mino 5 cu inn cung in an zuang i minung 2 a thi i minung 3 Tlaih an rak tong.

Be the first to comment

Leave a Reply

Your email address will not be published.


*