A Poituk Ee: Ralhrang Nih Nu 500 Leng An Thah Hna Tiah NUG Nih An Thanh

A Poituk Ee: Ralhrang Nih Nu 500 Leng An Thah Hna Tiah NUG Nih An Thanh

SAC Nih Hramhram In Uknak An Laak Hnu Ah Anmah Kut In Nu 500 Dengmang Nunnak A Liam Cang

SAC nih hramhram in nawlngeihnak an laak hnu ah ramchung huap in nu 483 cu SAC kut in nunnak a liam tiah International Women’s Day, nihin March ni 8 ah NUG nih a thanh.

Cu pin ah SAC uknak ṭha lo duh loin a dohtu nu 3125 cu SAC ralkap nih an tlaih hna i cu chung ah cun thihdan pekmi 11 le thih hlan lo thongthlak ding in biakhiahnak tuahpiakmi 15 an si tiah a thanhmi ah a langhter.

 

Uknak laak hnu ah SAC ralkap chungtel hna nih nu 122 cu hramhram in an tlaihhrem hna, nuhrin covo phung an buar i hramhram thilsual an tuahnak cu an zualter chin lengmang caah a dikmi le tlukruannak hmuh khawhnak ding ah kan tawlrel lai tiah an langhter.

Nihin, March ni 8 International Women’s Day ni philhlonak ding caah tiin ramchung hmunkip ah i hawikomhnak le biaruahnak an tuah kho tiah theih a si.
Nu hna cung ah a phunphun in thleidannak rak langhtermi cu thlau ding tiah ramkip nih lungtlinmi minsen thutnak cu Myanmar nih 1997, July 22 ah minsen a rak thut ve tiah theih a si.
RFA