Depeyin Peng ah SAC ralkap nih inn an duah, khuami cheukhat an tlaih hna; Sagaing Ramthen Depeyin Peng Namyar khua le Mayakann khua hnih cu August 9 zing ah SAC ralkap nih voi khatte ah an khanghti i khuami cheukhat an tlaih hna.
“Hi ralkap pawl hi August 8 ah khan Depeyin lei in an ke in an ra. Nyainghla, Waigyi, Moekhadwin tibantuk khua ah luut in an buai. Tuzing hi phu hnih ah an i then i Namyar le Mayakann khua hnih an khangh. Riantuan mi an kah hna i an zaam. Khuami zong an tlaih hna,” tiah khuami nih an chim.
August 7 zaan thok in Kyi khua pawng ah SAC ralkap motor pahnih bomb in an cheh hna hnu in a kiangkap khuate ah luut in an buai, mi an kah, inn an duah i khuami an tlaih hna tiah khuami nih an chim. August 8 ah cuka hrawng khuami 13 an tlaih hna. Depeyin Peng ah hin July thla lio ah SAC ralkap nih hriamnam tam tuk hmang in an kah ruang ah khuami 40 renglo an rak thi, tiah DVB nih a tial.THT
Relchap: Chin ramkulh Hakha ah ralhrangbu kuttang zungkai mi Covid in a zaw le a thi an um Nawlngeihnak la ralhrang riantuan tu,Chin ramkulh,Hakha cozah zung in cozah riantuan atam deuh cu Covid zawtnak hmuh an si caah,sii-inn conghhramh mi le a thi mi zong an um tiah theih a si.
“Zung ah a zawmi an tam ngai,riantuan tu zong tuan nak in kan zor ngai,atu a zawmi hi rimrua thei lo mi zong an um,kan pu le he a naihniam mi hi an zaw khun,nizaan ah sii-inn a phan mi pakhat a nunnak liam,kan pu pakhat zong sii-inn ah Oxygen thlaih lio a si tiah” zung riantuan pakhat nih a chim.Peng cozah zung luhchuahnak ah Covid he pehtlai in checknak nifatin an tuah ti zong kan theih.
“Adik ningin chim ko ahcun,kan nih zong kan tih ve ko,zawtnak i chawnh lo dingin a lengmi he check cu a ning,hika ah rallokap he si tik ah,ahohmanh kan va check hna lo,anmmah sinin kan i chawnh ahcun kan dihlak zungkai mi kan i chawn dih lai,Covid in a zawmi a tam u hi cu kan pu le umnak in a si tiah” zung chung in an i chawnhnak kong pakhat nih a chim.
Chin ramkulh chungah Covid 19 zawtnak ngeih le ngeih lo minung 13000 leng RDT in check an si i zawwtnak hmuhmi minung 2000 leng an di,nunnak liammi 100 leng an si tiah Mizzima nih a tial.TCP
Leave a Reply