A Poituk Ee: PDF Sakhaan An Luh Hnawh Hna Caah An Hriamnam Tampi An Sung Than Ee, Mipi Sawhsawh 2 An Nunnnak A Liam

A Poityuk Ee: PDF Sakhaan An Luh Hnawh Hna Caah An Hriamnam Tampi An Sung Than Ee, Mipi Sawhsawh 2 An Nunnnak A Liam

Pauk PDF Battalion 4 Sakhan Luhhnawh An Ton Caah Hriamthil Tamlak An Sung, Tualchung Mi Nu 2 Nunnak Liam

Magway ramṭhen, Pauk peng PDF battalion 4 an umnak sakhan cu March ni 9, ah SAC ralkap nih an luhhnawh hna caah hriamthil tamlak chuh kan tong tiah Pauk PDF in chimphuannak nawlngeitu nih a chim.

SAC ralkap hna cu March ni 9 ah Pauk peng Nyaungwon Myauksu khua ah hriamngan i thlahpah in an lut tiah a chim.

“SAC ralkap hna nih khuachung an luh pah ah hriamngan pehtlai in an thlah ruang ah an thlahmi hriamngan hliamhnak in tualchung mi kum 69 le kum 79 nu pahnih an nunnak a liam. Cu hnu ah kan umnak sakhan cu a thli in an kan luhhnawh i an kan kahdoh caah, kanmah lei zong an i laak khawhmi hriamthil i put in an zaam hna, kan kaltakmi kuanfang, kuanbawm, kutser meithal le bomb hna cu a dihlak in an kan khanghpiak dih” tiah Pauk PDF battalion 4 in chimphuannak nawlngeitu Ko Hpat Ti nih a chim.

SAC ralkap nih hriamngan an thlah ruang ah khua 10 in tualchung mi 5000 leng a himnak hmun ah ral an hrial tiah a chim chap.
SAC ralkap nih hriamngan an thlah ruang ah Daw Taung Yin le Daw Htway tiin kum 60 luan upa pahnih an nunnak a liam pin ah minung 5 nih hliamhma an tuar. Hliamhma tuarmi hna chung ah minung 2 hi an hliamhma a fak tiah Pauk PDF battalion 4 nih a thanhmi ah a langhter.

SAC ralkap nih luhhnawh in an kan kahdoh ruangah kan thilri an khangh pin ah kuan phuntling kuanfang 450, kutser meithal 5, phone 1, kuanbawm 1, mine le hriamngan hna cu an kan laakpiak caah sing 150mmk hrawng kan sung tiah Pauk PDF battalion 4 nih cathanh a chuah.
People’s Spring