A Poituk Ee: PDF Ralkap Pawl Le A Bawmtu Minung 12 SAC Ralhrang Nih An Tlaih Hna

Inle PDF Le A Bawmtu Minung 12 Tlaikhih An Tong!
=====
January 3 ah Shan ramkulh Taunggyi peng khat Nyaung Shwe pengchung ah SAC ralhrang le Inle PDF karlak ah kahdohnak a chuak i PDF hruaitu minung 2 telh in PDF chungtel minung 12 tlaihkhih an si tiah ralhrang nih January 8, nihin ah cathanh an chuah.

Nyaung Shwe peng Inntein (အင်းတိန်) khua ah phungki pakhat cu December 27 ahkhan SAC ralhrang nih an tlaih hnu in mindang pawl zong chekhlatnak tuah in tlaihkhih an si tiah theih a si.

SAC ralhrang nih cathanh an chuah mi ahcun a thimi ruak (6) le nu pakhat telh in minung (😎 an nungin tlaihkhih an si i cu chungah PDF hruaitu 2 an i tel. Thawngpetu le chungtel dihlak 12 tlaihkhih an si cang tiah an langhter.
A tuzong Nyaung Shwe peng Inle lei cu kahdohnak a dai i SAC ralhrang nih mipi chekhlatnak an tuah hna tiah theih a si.
#Source:Shan News
#Lungmili Post

Relchap>>>>>Rianṭuantu Hna Phortu Motor Aa Let, Nu 5 An Thi, 29 Hliam An Tuar
===============
Naypyidaw, Zeyathiri peng Yangon-Mandalay lam hlun University of Drainage Agriculture hmai ah kuli a lekmi hna phortu motor aa leh caah minung 5 an nunnak a liam, 29 hliam an tuar tiah theih a si.

January 7, zaanlei suimilam 6:00 hrawng ah Yangon-Mandalay lam hlun University of Drainage Agriculture hmai an phanh ah accident an cang tiah mi bawmchantu phu in ṭuanvo ngeitu nih a chim.

” Cu motor cu vuanci zung pakhat ah ni ca in rianṭuan tu hna a phortu motor a si, motor cu rang tuk in a khalh caah a tubantuk in accident a cang i lamkam thingkung a pah hi a si” tiah a chim.

Motor accident ruang ah motor chung cuang mi riantuan tu minung 34 chung ah nu 5 an nunnak a liam i minung 29 nih hliam an tuar tiah theih a si.

 

Be the first to comment

Leave a Reply

Your email address will not be published.


*