ကရင္ျပည္နယ္ ျမဝတီ myo thlang lei ေလးေက့ေကာ္ myo nee ah mipi vengtu PDF mino pawl nih kut in an ser mi bomb an test i ruah lopi ah a puah caah minung 2 a hmun an thi tiah mipi vengtu ralkap KNU sinah an chim. Nu minung pakhat le pa pakhat faktuk in an i hlian chiah tiah PDF lei tuanvo ngeitu minung pakhat nih a chim.
Relchap:Min Aung Hlaing ralhrang nih thawng an thanh mi cu Mytel Tower a hrawktu poh cu kan tlaih hna lai i thih dan kan pek cang hna lai tiah ralhrang biachimnak nawl neitu Zaw Min Tun nih tuzaan lei ah thawng a thanh.
Hi bantuk thiltuahmi cu အိမ္ေစာင့္ အစိုးရ ISIS bantuk le Taliban bantuk minung misual an si caah kan tlaih hna lai i kan hrem bak hna lai tiah a chim. Ralhrang Mytel Tower an hrawh mi hi hmun tamtuk ah a si i tower 80 leng PDF nih an hrawh cang tiah ralkap nih an thanh chih.
Relchap:Nihin september 15 .9.2021 Kawlin peng ah Mipi vengtu PDF nih Min Aung Hlaing SAC ralkap pawl motor an ra cuahmah lio ah bomb in an puahhnawh hna i ralhrang motor pakhat an fuh caah ralhrang minung 9 a hmun ah an thi tiah theih a si i, hliamhma a pu mi ralhrang tampi an um chih tiah an thanh chih.
Kawlin peng ah hin ralhrang le PDF fakngai in an i kap lengmang nak a si caah mipi zong nih an tuar i a thimi zong an tam ngai nak hmun a si i, PDF thazaang thawnnak hmun pakhat zong a si tiah an mah khuami minung pakhat sin in theih a si.Kalay News
Leave a Reply