A Poituk Ee: Malaysia Kan Laimi Thawngpang Van Theih Cu Ngai A Chia Taktak

Malaysia Ah Chin Ralzam 500 Leng An Tlaih Hna!
=====
Malaysia Kuala Lumpur, Jalan Imbi ah Malaysia cozah Immigration le palik hna nih ramdangmi thongkhat (1000) leng an tlaih hna i cu chungah Chin miphun hna hngakchia kumkhat in upa kum 68 karlak minung 544 an i tel tiah BARNAMA. com nih a langhter.

Relchap>>>>>SAC Ralhrang Nih Bomb Hmanh Mi An Phoih Lio Ah A Puak, A Thimi Le Hliamtuar An Tam!
=====
Bago ramtthen Kyaukkyi peng ah SAC ralhrang Bomb an hmanh/do hnawh mi hna an phoih cuahmah lio ah a puak i ralhrang 3 an thi 6 nih hliamfaktuk an tuar tiah theih a si.

“January 7 zing suimilam 8:00 tluk ah Bago PDF Battalion 32702 le Tetkhuai 2 hna fonh nih SAC ralhrang mawtaw bawh in Bomb an doh/hmanh hnawh mi hna a si tiah” tualchung hriamtlai nih fianternak an tuah.
#Source:Mizzima

Relchap>>>CDM Cachim Tu Le A Fapa Telh In Minung 3 Khualtlawngmi An Tlau!
=====
Sagaing ramtthen Homalin peng Mobailaut (မိုဘိုင်လွတ်) khuami CDM cachim tu U On Hong (ဦးအွန်ဟောင်) kum 50 le a fapa cu January 2 ah Tamu khuapi kalding in cycle he an kal i lampi ah an tlau tiah theih a si.

“Khualtlawn an kalnak lam hi ralhrang Shanni (SNA) hriamtlai an hrantuknak hmun a si i chungkhar hna he nihin tiangah pehtlaihnak an ngeikho rih lo tia” tualchungmi sin in theih a si.

January 5 zongah Tamu peng Tanan khua ummi U Let Khu Lun (ဦးလက်ခိုလွန်) kum 45 cu suimilam 12:00 tluk ah mizei ti theih lo mi hriamtlai phu hna nih an tlaih i an kalpi caah a chungkhar nih pehtlaihnak an tuahkho lo tiah theih a si.
#Source:Zalen

 

Be the first to comment

Leave a Reply

Your email address will not be published.


*