A Poituk Ee: Karen Ram Cu SAC Ralhrang Nih Vanlawng He A Phomh Than Ee

Karen Ram SAC Ralhrang Battalion Pa 3 An Kah Hna, A Thimi Le Tlaihmi An Tam!
=====
Karen ramkulh Kyainseikgyi peng ah SAC ralhrang Battalio-3 cu tualchung hriamtlai fonh KNLA, KTLA, PDF hna nih January 4 nihin zing suimilam 6:30 in an luhhnawh hna caah kahdohnak fakpi a chuak tiah theih a si.

Hi kahdohnak ah SAC ralhrang Battalion pa 2 an lakkhawh hna i ralhrang thimi an tamtuk pin ah an nungin tlaihkhih mizong an tam, ralhrang bawi pakhat a zaam caah a nupi tlaihchih a si. Helicopter hmangin voi tamtuk a kah hna tiah theih a si.

“SAC ralhrang bawi thimi zong an um hriamnam tampi lakchih an si pin ah Battalion pa(2) an lakkhawh canghna i kahdohnak a dih rihlo, helicopter le hriamngan hmangin an kah pengrih hna” tiah Khit Thit nih a langhter.

Relchap>>>>>Kalaymyo Thongtlang Minung 77 An Luat, Pohmah (505) In A Luatmi Zong An Um!
=====
January 4, Kawl Independence ni ah SAC ralhrang nih thongtla luatnak a pekhna i Kalaymyo thongtla mi hna chungin minung 77 cu luatnak a pek hna tiah theih a si.

Cu chungah pohmah (505) in thlongthlak mi hna minung 20 zong an i tel, hmundang dangin luatnak hmumi minung 7012 an si cang tiah Zalen nih a langhter.