A poituk Ee, Kalaymyo Covid Centre Inn Cung In Mizaw Pakhat Azuan Caah Anunnak Aliam.

Kalaymyo Covid Centre Inn Cung In Mizaw Pakhat Azuan Caah Anunnak Aliam…Kalaymyo Covid mizaw an chiah nak hna hmun Covid Centre inn dotthum cung in mizaw pa pakhat ,a lung a hman deuh lo caah tuzing suimilam 11 luan deuh ah a zuang, a mah le mah a nunnak ai la tiah theih a si.Sii inn an kal pi hnu ah, cu sii inn ah a nunnak a liam. June 26,2021, #Zalen
Thawngdang;

Pa fa hna rallokap nih an tlaih hnu a thaizing ah a fa pa cu covid 19 in a thi tiah an ti i an chungkhat sin ah a ruak pek lo in mei in an khangh. Sakhane ramtthen kalay myo tthet oo thida ah zahan june 25 ah zanlei suimilam 3pm hrawng ah pa fa hna cu ralkap nih an tlaih hna i tuni june ni 26 suimilam 2pm hrawng ah khen a fa pa cu covid in a thi tiah a chungkhat sin ah thawng an rak thanh hna.

An tlaih mi hna hi pu U zaw Myint le a fa pa salai Van Tha Cung an si. An mah he a pehtlai mi pakhat nih (ralkap nih covid 19 in a thi i a ruak zong a chungkhat sin ah an hmuh ter duh hna lo. Khrihfa phung in phum ding ah an nawl hna i ralkap lei nih an duh lo i mei in an khangh a ruak dap zong thaizing ah lak te uh an ti. An tlaih hlan ah hin zei zawt nak hmenh a ngei mi si lo. An tlaih i covid 19 in a thi tiah an chim ) tiah a chim. Salai Van Tha Cung hi payan (ပန္းရံ) rian a ttuan mi si i chungkhar pali um mi an si.