A Poituk Ee: Kahdohnak A Fak Caah Ralhrang Nih Leng Chuah Kho Loin An Kulh Hna

Mawlamying Ah Kahdohnak A Chuak ,SAC Nih Khualeng Chuak Kho Lo In An Kulh Hna

Mon ram,Mawlamying khupi chung No(3) zeyer sang ah SAC nih nihin nov-14 zanlei Sml 4:30 hrawng ah Inn pakhat cu an luhhnawhhna nak in kahdohnak a chuak i SAC lei cu thazaang tam ngai i chap in sang mipi a ho hmanh lengchuak kho lo ding in an sang ning in an kulh dih hna tiah theih a si.

Hriamngan zong an hman len tiah theih a si i,hi kahdohnak chung ah palik pakhat a thi thildang bel biafiang theih a si rih lo tiah tualchung mi nih an chim.
Tu dirhmun ah an sang ning in SAC ralhrang nih an kulh dih hna i ,SAC nih anmah nawl pek nak in thialkaam ter mi hna lawng an chuak kho rih tiah theih a si.

RelchaP>>>>>>>>Kyaikmaraw Chaunghnakhua sakhaan cu KNLA le Red Dragon phu nih an kah, palek 4 le hriam an lak khawh
Mon ram, Kyaikmaraw peng, Chaunghnakhua palek sakhaan cu KNLA le Red Dragon phufonh nih an kah hna i palek 4 a nung in an tlaih hna, hriam zuun 7 le adang thilri pawl an lak khawh tiah Red Dragon phu nih a thanh.

Kyaikmaraw peng, Chuanghnakhua palek sakhaan cu KNLA phufonh le Red Dragon phu nih an kah hna i palek 3 an thi, 2 an zaam i 4 a nung in an tlaih hna leng ah hriam zong an lak khawh.
Kahdohnak chung ah AK 47 zuun 1, M 16 zuun 4, G3 zuun 1, 60mm zuun 1, bomrap 2, AK 47 kuan 200, M16 kuan 500, G3 kuan 300 le 60mm kuan 10 hna an lak khawh tiah theih a si.

Relchap>>>>Kanbalu khua a khang mi SAC ralkap bomrap an puah hnawh hna, 40 hrawng an thi kho
Sagaing ramṭhen, Kanbalu peng ah a um mi Inma khua le Pintha khua a khang mi SAC ralkap pawl bomrap an puah hnawh hna i 40 hrawng an thi kho tiah PDF sin in thawng kan theih.

November 12 zinglei ah SAC ralkap phu 2 cu Inma khua le Pintha khua an luh lioah bomrap an puah hnawh hna hi a si i SAC ralkap 40 hrawng an thi tiah theih a si.

SAC ralkap pawl cu bomrap puah hnawh an ton ruangah Inma khua an khangh dih i Pintha khua a khang mi SAC ralkap pawl zong bomrap an puah hnawh chap hna i SAC ralkap 2 an thi tiah theih a si.

“Inma khua ah nizaan ah a cang. Zinglei sml 9:00am hrawng ah bomrap an puah hnawh hna i 60 hrawng an thi tiah kan theih. Pintha khua le Inma khua SAC ralkap pawl an i fonh i Inma pungki sianginn ah hmunhma an khuar” tiah khuami pakhat nih Khit Thit ah a chim.

Be the first to comment

Leave a Reply

Your email address will not be published.


*