A Poituk Ee: Chin Ralkap hriamnam Lak I A kal Mi An Kah Hna I 7 An Nunnak A Liam

Yinmabin Peng Ah Chin Ralkap Phu Kahdoh An Tong I, 7 An Thi!

Sagaing ramṭhen, Yinmabin peng Yinpaungṭai(ရင်ပေါင်တိုင်) khua ah, nihin August 11 ah Chin ralkap chungtel 7 le tualchung mi 2 cu SAC ralkap nih an kahthah hna, tiah ramchung media(Myaelatt Athan) nih an ṭial.

Chin ramkulh in Chin ralkap hna cu hriamthil laak ah an kal i, an kirlei Yinpaungṭai(ရင်ပေါင်တိုင်) khua an phak ah atu bantuk in kahdoh an ton hi a si, tiah min langhter duhlo mi pakhat nih media ah a chim.

Hriam a phortu Chin ralkal 80 leng cu Yinpaungtai( ရင်ပေါင်တိုင်) khuachung an um lio ah SAC ralkap nih an kah hna caah ralkap 7 thah an tong, tiah Myanmar National Armed Force-MNAF Bu Yaung Ni nih a chim.

“Nizaan ah SAC ralkap lei in vanlawng 4 hmang in kahdohnak an tuah i, Yinpaungtai(ရင်ပေါင်တိုင်) khua cu van lei in an kah hna, Yinpaungtai(ရင်ပေါင်တိုင်) khua ah hriam a phortu Chin ralkap chung in minung 7 thah an tong, an i phorhmi hriamthil zong SAC ralkap nih an chuh hna,” tiah a chim.

Yinpaungtai(ရင်ပေါင်တိုင်) khuami pa pakhat le nu pakhat zong SAC ralkap nih an kahthah hna, tiah theih a si. Chin ralkap minung 80 chung ah 60 cu a himnak hmun ah hmunkhat in an um cang hna i, a tangmi ralkap cu SAC ralkap nih an nun bu in an tlaihmi hna zong an um i, hmundang ah a tlimi zong an um, tiah Bu Yaung Ni nih a chimchap.

SAC ralkap nih August 11, zaanlei suimilam 3:00 hrawng ah Yinmapin peng, Pahtuta(ပုထိုးသာ) le Yinpaungtai(ရင်ပေါင်တိုင်) khua cu Monywa nitlak chaklei headquarters in vawlei lei le vanlei in thazaang tampi he kahdohnak an tuah, tiah theih a si. Hi kong he pehtlai in Chin ralkap lei nih thawngthanhnak an tuah rih lo.

Relchap>>>>>>Nai ah laitlang ah ka va tlung i u pah ahcun Tio kap khuaMizoram khuate ah ral a zam mi kan far le in ah ka tlun i cu ahcun ka farnu nih cun an him lonak kong a ka chimh i ka lung rawk ngai. Ka far taktak a si lo kapa far fa a si i ram buai ruangah an u fa rual in minung 5 mizoram ah an zam.

Zaan khat cu nazi hlei hnih hrawng ah inn ka an kingh leng mang i ka tho i ka va on cu inn chungah a rak lut i a lawi duh tilo. Ka mit le a ku tuk. ka fale le an i hngilh dih cang fawn i ka ttih tuk.

Na duh le it ko a ka ti i ka celh tilo i ka it. Ka ih tlawmpal ah kan ihnak lei ah a ra i ka pawng ah a rak it ve colh. Ka ttih tuk i ka tho i ph kaa chawn ter. A hodah na chawnh tiah a ka hal i kan pa ka ti aww a ka ti i. Ka pawng ah a rak thu than. Ka ttih tuk i ka tuar ti lo caah kan inn tang kan laimi ka call hna i an rak kai mah cun a lawi.

Voi 5 hrawng ih pi ding in a ka lem nain ka duh lo, pasal nei mi ka si kan leng hlah ka ti nain a duh lo. Keimah atuk midang tampi an um ve , kan i chawn tawn hna ah an tlaihhrem khawh mi zong an um leng cang.Inn dang ah kan i thial nain kan i thial bu zongah voi thum hrawng a kan pal. Ka ttih tuk caah khuadang ah kan i thial.

Zaan khat cu inn ka ka ong duh lo i kan inn cu chia tyuk kaw inn ka a hninh leng mang i a mah tein kan hrenh mi a ong i ka hngilh cang cu ahcun ka pawngah a it i theih hmanh hlah ning law ka au hnga i mual kan pho hnga.

Ka theih le cang ka in ka tho colh. ralit ko kan duh tuk le ka sinah hin a ka ti ka tihtuk i zaan khuadei ka it ngam ti lo. A zam nak khua le a min langhter a duh lo. a singing dihlak a ka chimh nain a tamtuk caah a tawinak in ka van tial colh. Mizoram ah a zam mi kan far le hi an him lotuk cang. Pumpak hrimhrim in kan i ralring a herh taktak. Crd… Pa Cung Mh

Be the first to comment

Leave a Reply

Your email address will not be published.


*