A Poituk Ee: Chi Mino 7 India ram Manipur Ah Bible Sianginn A Kai Mi India Palek Nih An Tlaih Hna I Kawl Ralkap Sinah Thawng An Thanh Hna

A Poituk Ee: Chi Mino 7 India ram Manipur Ah Bible Sianginn A Kai Mi India Palek Nih An Tlaih Hna I Kawl Ralkap Sinah Thawng An Thanh Hna

Bible Sianginn Kai Mi Chin Mino 7 Manipur Palik Nih An Tlaih Hna; SAC Cozah Sin Ah Thawng An Thanh
======================

Bangladesh ram ah Bible sianginn kai mi Chin mino 7 hna cu April 11 ah Manipur peng, Imphal khua an phak ah palik nih an tlaih hna i SAC cozah sin ah thawngthanh nak an tuah colh hna tiah kan theih.

Chin mino 7 an tlaih nak kong cu ZYA (Zomi Youth Association) mino sin ah thawngthanh le bawmh hal nak an tuah hna i zan ah an tlaihnak hna hmun ah kal in an chimphuan piak tik hna ah cun SAC cozah sin ah thawngthanh nak an tuah cang caah an tlam tling lo.

Mino 7 an tlaih mi hna cu ZYA mino nih an va ton manh hna i an herh mi thilri tlawmpal cu an bawmh manh hna, mino 7 cu Sajiwa Detention Center ah an kuat hna lai tiah theih a si.
Chin mino 7 tlaih a tong mi hna hi, Cing Nun Eng, Suan Khan Khai, Ning Lun Kim, Thang Lam Cin, Cin Suan Sang, Kam Sian Khai le Cing Nuam Vung hna an si.

Sajiwa Detention Center cu Myanmar minung tlaih mi a dang tein an chiahnak hna hmun pakhat a si. Mah hmun ah Myanmar mi 300 tluk an chiah cang hna. Myanmar mi hna nih a bik in India ram, Manipur peng le Imphal lei kal ah i ralrin a herh nak kong ZYA mino nih theihter nak an tuah.
#Zalen

Relchap>>>>Lashio khua luhnak Yan Tai Aung phungki biakinn ṭumnak thlang hmun rawn ah titoih puai tuah ding in cungdonh an ser i, cuka hmun pawng lamkam ah bomb puahkehnak hi a chuak, tiah a chim.

“Bomb puahnak ah ruak 6 hmuh a si i, minung 8 hliamhma an tuar, hliamhma tuar mi hna chung ah nu zong an i tel, 2 cu an hliamhma a fak, bomb puahkehnak a chuah ruang ah leilawng le thirleng zeimawzat zong a rawk,” tiah a chim chap.

Bomb puahnak kong he pehtlai in zei phu nih dah an tuahmi a si fiang in theih a si rih lo.Crd.. TCP