A Poituk E: Thantlang Khua Ralzam Kan Pi Nih Mual A Kan Liam Tak Than Ee

Pi Hlei Tlem …87Yrs (Niku Pi – Thantlang in Hakha ah Ralzam in a rak i dor mi) Kan khrihfabu Vice President Pu L. Tluang Pum a nupi hringtu a nu (Thangtlang Baptist Church, TBC member) nih Nov. 24,2021 zinglei sml 7:30 ah hi vawlei nunnak in nunnak dangah mual a kan liam tak. Zion Tipil Khrihfabu le Hakha Township Public Healthcare Volunteer Group i bawm in Zinglei Sml 10:00 ah No. 1 Thlanhmun ah a ruak kan vui.

Ralhrang ruangah mah inn lo le chuahkehnak khua le ram te hmanh ah ruak i vui kho loin zamnak hmun ah hringtu kan nu ka pi cu a ruak vui a si tikah tantak mi chungkhar tule fa caah a fak hringhran ko. Ramchung ram leng um mi tule fa nan dihlak nan ngaihchiatnak kan in tuarpi hna. Kan Pathian nih in hnem cio ko hna seh.Credit-zion baptist church hakha chin state myanmar

Thawngdang: Ayeyarwaddy ramtthen chung hrambunh Southwest Military Headquarters i commander a si mi Bogyoke (Major General) Aung Aung cu a liamcia november 22 ahkhan Latpatta khua lei ah tilawng in khual a tlawng tiah theih a si.

A liamcia november zarh 2 nak ahkhan Ayeyarwaddy Division Chief Minister pa le Union Minister for Hotels and Tourism pa cu khual an tlawnnak lampi ah an motor thluan bom puah hnawh an rak tong. Mah hnu in cun hi commander pa hi ti lam in khua a tlawnnak a si tiah peng chung PDF pawl nih an chim.

PDF ralkap pakhat nih “mi tam deuh nih ti lam deuh an hman cang. Commander pa pumpak zong ti lam hmang in Latpatta lei ah a kal ve” tiah a chim. Ayeyarwaddy ramtthen Ttainghmu pa ti lam in khual a tlawn ahhin ti kam in ralhraang pawl nih runvennak ttha ngaiin an rak tuah piak tiah theih a si.

Ayeyarwaddy Division Chief Minister pa le Union Minister for Hotels and Tourism pa citmi motor thluan pawl bom puah an ton hnuin Ayeyarwaddy ramtthen lei ahhin ralhraang lutlai pawl cu ti lam deuh hmangin an tlungkal cang hna tiah theih a si. Source:AT

Be the first to comment

Leave a Reply

Your email address will not be published.


*