A Poi Tuk Tung Hme, Min Ko Naing Le A Dang Paruk Tlaih Dingin Nawl An Chuah Tung!

Min Ko Naing Le Adang Paruk Tlaih Ding Nawl An Chuah! February 13, ah Min ko Naing, Jimmy, hlasa Lin Lin, Insain Aung Soe, Myo Yan Naung Tein, Pan Sae Lo le Mawng Mawng Aye cu tlaih ding ah nawl an pek cang hna.

2008 Phunghram §417 ning in ram ca a țhabik khua khan lio ah Social Media le Mipi hmang in thawngzamhnak le ca phunphun an țial caah §505(B) in taza cuai in tlaihnak nawl an chuah. Credit: Teitial Catialtu

Tulio Thawnpang Thar Taktak le A poi Tuk mi Thil: Ralkap tapung nih thong in misual minung 23000 renglo an chuahmi hna nih Rangoon le Mandalay pawl cu it thiam loin hna an hnawh hna. Inn duah an timh, dinti ah poison paih an timh, mi innka an bauh caah sang le veng ummi hna nih tanbung an tum i, an tlaih hna, hri in an hren hna. a hrem tu cu an hrem hna lo.

Tuzan lawngah minung 10 in 20 hrawng cu an tlaihmi hna an si cang lai. Palek sin i va up ahcun a thlah than hna lai ti an phang i, palek an pek duh hna lo, sangupa hna nih an sang zungah an hren hna, A cheu phungki biakinn ah an chiah hna i, nawisen an hnuk.

Mah hi 1988 lio i, mingiatu ralkap MI pawl nih an rak tuah bal cangmi tactic kha a si. Mipi buai hna seh, i tuk, ivelh le i thathnak chuak sehlaw ralkap nih rule of law a um lo tiin rengh chinchin kha an i timhmi a si. Cucaah fimkhur tein tawlrel zia thiam a hau. Kut thlak iralrin ngaingai a hau. Credit: Salai Lairamthang