A Poi Tuk Hringhran: Hakha Ah Ngaihchiat Nak Ai Phua, Ngaih A Chia Hrim Ko

Tantakmi chungkhar Bawipa tunih in hnem ko hna seh law. Pu Maung Tinh lee Pi Nu Iang an fanu Tial Hliang  (Dawrthar Sang) le Pu Ko Yee le Pi Biak Siang Hnem (Tleicia)an fapa Sayamah Merry (senior Nurse) i a tupa Solsia (Pyi Daw Tha Sang) ah a ummi nih tuzing ah mual an kan liam tak tiin thanwg pang kan theih. An pahnih hin tuzing suimilam (8) le (9) kar ah a thimi an si.

Nungak Tial Hliang cu Hakha dawrthar sang ah a ummi a si. A thih ning cu a ttang a phih pah i siizung ah an tlikpi ko nain a nunnak an chanh kho ti loh. Cun tlangval Socia cu zawtnak caan sau a ngei cangmi a si. A nih hi zunthlum le thin leipang damlonak a ngeimi a si i a zawtnak a kuahnak zong a sau ngai cang i tuzing suimilaam 8 hrawng ah a thih hi a si.

Tulio Hakha cu zahan zaan zong ah hakha ah mithi an ngei i tuchun hi a thlan a tlak a si. Mithi pakhat hmanh thlan a tlak hlan ah a dang a thimi an um ko hi cu zei tluk ngeihchia khi dah an si.

Covid-19 zwtnak ruang ah mithi ruak hmanh lung diriam tein i tthutpi khawh a si loh i tuzanlei ah ruak vui colh an si lai. Tantakmi chungkhar nan zapi Bawipa nih nan ngeihchiatnak mitthli in hnawhpiak ko hna seh. Nu Hliang le Solsia R.I.P Bawipa tangnem cung ah nuam tein i din ko kun u law.

 240 total views,  1 views today

This function has been disabled for Chin 11 News.