A Poi Tuk Hringhran Ee! Kawl Ralkap Nih Aanaa An Ting Cang!

Myanmar rampi cu February 1,2021Zinglei 4:00 Am hrawnghrang thawkin Aana an ting cang i, Aungsan Suukyi le President WinMyint cu Zing lei 3:00 Am hrawngah an Security pawl an tlaih dih hnu in an Innchhung bakah luh hnawhin an tlaih hna ti’ah thawng theih asi.Nyphidaw i City Guesthouse i NLD MP thar pawl zong Hall chungah an hren dih cang hna. Nyphidaw cu Ralkap nih an kulh dih cangi, tawmpal ah State le Taing i NLD hruaitu vialte tlaih dih an i tim ti’ah News Agency sinin theih asi.

Nyphidaw pinah Yangon le Mandalay le hmun kip ah Ralkap an thlah dih cang hna. Atu caa ka tial lio tiang an tlaihmi kan theihmi hna cu, NLD Spokesman CEC Myondwa AungSinn, Han Ta Myint, U.Phuyminthein( Yangon CM), U.Thein Lwin le Dr. ZawMyintMuang cu an hmu kho rih loh. Shan NLD Chairman ShoeNyuntLwin, Mon CM Dr. Ayesan,Karen CM Nan Khin ThweMyint le Yangon i Bah- Kah- Tah Student hruaitu pawl an tlaih dih cang hna. NLD Spokesman Dr. Myo Nyunt tu cu an tlai rih loh.

Ralkap nih cun, Statement(1)an chuahmi ah Myanmar rami um Foreign Embassy vialte nih Myanmar 2020 Election pawm lo dingin a nawl hna i, Ralkap nih a tuan khawh chungin thim tha’n nak Election thar kan tuah cawlh lai i mipi sinah Democracy Nawlneihnak kan pek tha’n cawlh lai ti’ah thawngthanhnak an chuah.Cun, Election Chairman U.Hlah Thein le EC U.Myint Niang zong an tlaih tha’n i, Midang zong tlaih ding an kawl cuahmah lio ti’ah theih asi.

Tawmpal ah Sagaing le Chin State lei zongah Ralkap le Uniforms hruk lo pawl an thlah hna ti’ah thawngpang kan theih. Atu an tlaihmi hna hi Ralkap le Civil dress i aa thuammi pawl an i tel ti’ah News pawl nih an chim. Thawngpang van hngak deuh rih hna usih.( Ramchung i kan Agents pawl thawngpang kan lak lio asi.) Credit: MC Biklian