A Poi Tuk E!KIA Pawl Tuchun Fak Ngaingai Harnak An Tuar!

KIA sakhan Alaw Bum cu Kawl ralkap nih an phomh than hoi cang. Kachin kan unau hna hi an tuar taktak cang.

Nihin April 24,2021 Min Aung Hlaing Asean meeting a kai ni ah KIA sakhan Alaw Bum cu Kawl ralkap raltuknak Vanlong nih bomb voi tampi a thlak hnawh tiah theih a si.

Zing ah khan voi tampi Vanlong nih bomb in a kah hna hnu ah a tu hi Alawm Bum sakhan lei ahcun Kawl ralkap raltuknak Tank le Motor pawl tampi in an kal than hna tiah theih a si.

Alaw Bum sakhan cu Kawl ralkap nih voi tampi an kal hnawh cangmi a si. Alaw Bum sakhan kahnak ahhin Kawl ralkap Battalion pahnih an thi dih cang. Ralkap tampi an zam cang.

Sinain Kawl ralkap nih an la kho hlei lo. A tu tiang KIA uknak tang ah a um peng rih ko. A tu nihin Kawl ralkap nih a thar in Alaw Bum sakhan cu an kal hnawh than i an kah than cang hna.

KIA lei nih kahnak a thar in a fak than lai. Alaw Bum le a pawngkam ummi khuate pawl cu ralrin an pek cang hna. KIA hi raltuk an thiam i uar an um taktak. Biatak tein ral an tuk ahcun Kawl ralkap nih an tei kho bak rih hna lo.