A Poi Tuk E! Ralkap nih fak taktakin Hakha minung an thah

Hakha ah Ralkap le Palek nih tlaih i hrem mi pakhat cu an thlah hnu ah a nunnak a liam
============
Hakha ah Ralkap le Palek nih March thla dih lei i minung 5 an rak tlaih mi chung ah aa tel mi Yangon khuami pakhat cu, an tlaih hna lio ah an hrem hna, thlah an si hnu ah sii-inn a phan i voi hnih tiang aa thlop hnu April 13 zaan ah a nunnak a Liam.

A thi mi pa hi Shalom Guesthouse ah rian a rak tuan mi a si i amah hi pawfah zawtnak a ngei mi a si. Tutan a thi mi hi Kawl panga le Tedim pakhat an rak tlaih hna lio ah aa tel ve mi a si.

Tlaih an ton i thlah than an si hnu in minung pathum zong an hrem hna ning a fah ca ah rian an tuan kho ti lo.
A nunnak a liam mi pa hi, sii-inn ah voi hnih tiang aa thlop i a dam khawh ti lo ca ah a nunnak a Liam hi a si tiah thawng kan theih. A ruak cu April 14, Hakha ah vui a si lai tiah kan theih.

 

Biakilh: Thawngpang fiang deuh in kan rak thanh than lai.