A Poi Tuk E: Pasal Ttha Paing Takhon Ralhrang Pawl Nih An Tlaih!

Date: 8/4/2021

Myanmar model le minta a simi Paing Takhon cu tu zing April 8 2021, 5:00 am ah khan a umnak inn North Dagon Tsp in ralhrang pawl nih an tlaih.
Penal Code 505 (a) in a sualphawt a si i, kum 3 chung thong a tla khomi a si. An tlaih lioah hin a ngandamnak a derthawm ngai tiah theih a si. Thlacamnak in bawm cio u sih. Annih hi CDM le lamzawhnak ah a hmai leiah a um pengmi mi ralttha bak a si. Credit: Chinnet News & Media

Relchap:

Myanmar Ralkap nih Rammi cung ah an Tuahmi Sualnak Tehte 180,000 CRPH ah a Phan tiah Dr. Sasa nih Langhter. February 1, 2021 thawk in Myanmar ralkap nih rammi hna cung ah an tuahmi sualnak tehte 180,000 cu CRPH sin ah a phan cang, tiah Dr. Sasa nih nihin ah a chuahmi thawngthanhnak ca ah a langhter.

Tehte 180,000 a um pin ah upadi he aa kalh in Myanmar ralkap nih mi an thahmi 540 an si i, tlaih an ton hnu ah a nunnak a liammi minung 10 an si, tiah a langhter chap.

CRPH nih a sermi upadi thiamsang bu le atulio Myanmar kong hlathlaitu Independent Investigative Mechanism for Myanmar (IIMM) timi bu cu nihin April 7 ah tonnak an ngei lai i hmailei rianttuan tti ning pawl an ceihmai lai, tiah Dr. Sasa nih thawngthanhnak ah a langhter. Credit: The Chin Journal

Relchap: Nunnak dih le thisen chuah in kan ram caah aa pumpemi hna, nan nunnak a dih ding hi kan in siang hrim hna lo. Kan ral hi nunnak liam lo tein tei hi kan saduhthah cio a si.

Asinain, nihin ah nunnak pek in “Frontline/ Hmai” ah a dirmi Kalay Mino hna, Pathian nih in veng ko hna seh. Thlacamnak le thinlung he kan in dirpi ko hna.

1948 lio ah Tlangparmi kan pale nih duhthimhnak an rak i palh caah, kum 70 chung kan tuar lawng siloin, nihin Mino nunnak le thisen a luang.

Asinain, Nihin Mino nan nunnak le nan thisen nih hmailei ah a ra chuak hnga dingmi Mino caah, zungzal zalawnnak, Freedoms le liberty chuahpitu a si hrim lai. CHIN HISTORY ah the True Chin Heroes cu Nangmah hi nan si.