A Poi Tuk E: Kan Laimi Bible Student, Covid-19 in An Zaw E!

Note: A lenglei hmanthlak i kehlei deuh kha Peter Ngun Za Cung a si. Thawng a thanh tu a si. A kehlei i sibawi te kha theihthiamnak deuh dingah tahchunhnak hmanthlak langhter mi a si. Anmah an si lo!

Lai Bible Student, Covid-19 Positive a ngei mii Mizoram, Aizawl le Champhai ah an hmuh hna. Peter Ngun Za Cung

Bangalore in Lairam a rak tlung lio mi Lai Bible student minung 14 hna cu, Champhai ah an van kuat hna i, minung 2 cu Covid-19 Positive an ngei. Cu pin ah Lai mi Delhi in Aizawl a rak phan mi an dihlak in Positive an si dih tiah Mizoram rian ngei tu sin in thawng kan theih, thil cawk ah an chuahnak lam vial te zong Lockdown an tuah dih i, mipi harnak tampi an tong, Mizoram Cozah sin in tlunnak permission zong lak hmasa loin an mah duh in a rak tlung mi an si an ti.

Mizoram mi le India ralkap hmanh Vairam in Mizoram an rak tlun tik ah Cozah sin ah permission lak hmasa hnu lawngah tlunnak nawl an ngei.. Cozah zulh phung loin rak tlung hrimhrim hlah u, Mizoram cozah nih an kan bawmh lo ah cun harnak faktuk in kan tong kho cang. Dawtnak te he thawngthanhnak kan van tuah than.

Official tein Vairam in Mizoram in Chin state ah luhter cang mi 98 nan si cang.

Mizoram Total Positive 282 an si cang i, thlacamnak in bawm cio hna uh sih.

 163 total views,  1 views today

This function has been disabled for Chin 11 News.