A Poi Tuk Cang! Hmawngtlang Khuabawi Nih An Khuami He Leitka An Kal Hnawh Cang Hna (+Video)

April 22 ah hnahnawhnak a ummi Leitak inn ṭheh dingin April 28 ah Hmawngtlang khuabawi Pu Van Biak Thawng hruainak in Hmawngtlang khuami tam ngai nih Leitak ah an va kalhnawh hna. Hmawngtlang ah rian a ngeimi palik zong Leitak a kalmi ah an i tel ve. Hi inn hi 2017 ah rak sak ciami a si i 2018 August 18 ah Chin State General Administrator U Kyaw Soe nih sak dingin a cohlan cangmi inn a si.

Leitak ah security ṭuanvo pekmi palik hna le Covid-19 ruangah Leitak khua luhnak haukaa(gate) a cawngtu mino hna nih an kham hna. Hmawngtlang lei nih an hrocer hna i palik nih kir uh an ti hna nain an kir duh lo. Inn tiang cu kan kalter ko uh tiah Hmawngtlang lei nih an ti i Palik nih cunglei ah phone kan chawnh hmasa hna lai an ti, phone line a um lo caah an chawn kho hna lo. Khua chungah cun an lut i inn cu an va zoh. Inn cu ṭheh hraw loin an kir ṭhan.

Hmawngtlang lei nih hruhru hranghrang in an pahchih lio.

Posted by Bawi Bik Thawng on Tuesday, 28 April 2020

Atu Covid-19 ruangah mibu in um lo ding timi phungphai zong cozah lei in chuah a si nain Hmawngtlang khuami tam ngai nih a bupi in Leitak khua an va luhhnawh hi phung he zong aa kalh ngaingai. Leitak khua ram ciacia le hmunhma ciacia i gate a cawngmi hna kut dong in va sawh in va hrocer zong hi thil dawhcah lo ngaingai a si.

Hmawngtlang hi Leitak ram chungah khua a sami an si ti cu hngalh dihmi a si. Nihin ni caan tiangah hin Leitak sinah an thiltuah ning le an cawlcangh ning hi hruhru hranghrang ngai in a si lengmang.

Covid-19 ruangah khua luhnak haukaa cawnghnak i an kham hna lio. Hmawngtlang lei nih an hrocer hnanak zong hmuh khawh a si.

Posted by Bawi Bik Thawng on Monday, 27 April 2020

Source: Bawi Bik Thawng’ Fb

 354 total views,  2 views today

This function has been disabled for Chin 11 News.