A poi ngaingai ko, asinain kanmah nakin chunzaan re athei mi kan unau hna CDF an um ko caah zai dingah ka phuhrung. Nihin SAC ralhrang minung 80 cu him tein Thantlang khuapi an luh khawh ko a si ahcun a poi taktak cang.
A ruang cu Thantlang ah an ral chiah mi hna Motor 8 in SAC ralhrang minung 100 leng kai an um cia. Mah hna pawl hi Thantlang an phak khawh ko a si ahcun Zahnak Tlang Maw Khualhringtlang maw a si lo ah CNA Camp umnak hmun vanzaang tlaang dik an panh hrimhrim lai.
Ralhrang cawlcangh ning cu khuaruahhar a si caah hmun kip in kan i ralrin a herh ngai ko. Ralhrang pawl le a hmun kip ah an um cang i, ralring taktak a herh ko lai. Zei a va si poh ah a tu lio cu Thantlang Hakha le Falam a ho hmanh nih tlawng lo ding tiah media zeimawzat ah an thanh cang.Pahmun mh
Relchap: Tlanglawng cung palek thah an tonmi kong ah minung 5 tlaih an si cang tiah ralhrang phu nih cathanh an chuah
Yangon-Insein khua helnak tlanglawng cung ah palek minung 4 thah an tonnak kong he pehtlai in,ingtu minung 5 cu September 3 ah tlaih an si cang tiah ralhrang phu lei nih nihin September 4 ah thawng an zamh.
Palek minung 4 cu thah an ton leng ah, an hriam thilri zong lakpiak an si hi August 14 ni ah a cang mi thil a si.
September 3, zinglei suimilam 5:00 ah Ko Min San Awng, Ko Kyaw Win Soe le Ko Kawng Pyih Sone hna cu Tamuai peng Myattangunt(ေမတၱာညြန႔္) sang inndal pakhat chung ah meithal kuan hna he pehtlai mi thilri he tlaih an si tiah cathanh ahcun an langhter.
Cu hnu ah zinglei suimilam 7:00 ah Theinkangyun(သင်္ဃန်းကျွန်း) peng Yangontit in, inn pakhat ah Ma Myat Phyu Pwint le Ko Zay Yar Phyu cu palek sinin an lak mi meithal pali he tlaih an si.Cu thil kong he a pehtlai mi poh kan tlaih hna lai tiah ralhrang phu cathanh ah an langhter.BBCTCP
Leave a Reply