Thantlang ah Meithal Hliampu Khuami Minung 5 Hrawng an Um
Nihin zaanlei Thantlang khuachung kahdohnak ah khuami sawhsawh hliampu minung 5 hrawng an um, tiah kan theih. Hliam a pumi hna kan theih tawk ah nu pahnih, pa ngakchia pakhat le COVID-19 in a zawmi pa pakhat zong an i tel.
Pa ngakchia hi Sangte tiah mindin in auhmi a si i a hliam a fak pah. Cun a nunnak a liammi kum 10 ngakchia pa Van Bawi Thang i a nu hi a baan ah hliamfak ngai a pu. Nungak pakhat zong meithal kuan thum nih a khen. (#Hmanthlak). Kuan thum nih a khen nain amah tein lam a kal kho. Nunhim in a um.
COVID-19 in a zawmi pa an hliamhmi hi a fak pah. Tu zaan muika tiang hrawng ah karlak thlak in meithal kah thawng a thang pah lengmang nain atu ah cun a dai cang, tiah Thantlang khuami nih an chim.The Chin Journal
Relchap: Runvennak lei Deputy Minister Daw Khin Ma Ma Myo cu Union Minister for Commerce ah an thial NUG runvennak lei Deputy Minister Daw Khin Ma Ma Myo cu Union Minister for Commerce ah a rian an thial tiah an thanh.
Nihin August 25 ni ah an thanh mi thawngthanhnak chungah Pyidaungsu Hluttaw Representative Committee dirhmun in 2020 kum party kip democracy thimnak ah mipi nih democracy ningcang te in pek mi nawlngeihnak cu hmang in March 31 ah thawng an thanh mi federal democracy hngalh nak in rian thial in kan pek mi a si tiah an chim.
NUG cu April 16 ah khan dirh a si i caan kar lak lungrual nak cozah a si i cozah chung ah 2020 kum thimnak ah tei a hmu mi palai hna, tlangcung mi aiawh tu hna,uk nak hramhram a la tu rallokap duh lo nak a langhter tu hna an i tel. Cozah phu chung ah hin Vuanci bu 15 in dirh a si.May 5 ni ahcun mipi veng tu ralkap zong kan dirh cang tiah an thanh.#DVB news
Leave a Reply