Russia nih Kawlram he ralkap lei pehtlaihnak fek tein kan kalpi lai a ti! Russia le Kawlram kar ralkap lei pehtlaihnak tha chinchin le fek chinchin dingin kan tuah lai tiah Russia ralvennak vuanci Sergey Shoygu nih Ralhrangbu hruaitu Sr.Gen Min Aung Hlaing sin ah a chim tiah Russia media pawl nih an chim.
Ram pahnih kar ah kan ngeihcia mi i theihthiamnak, upatnak le zumhnak cungah pehtlaihnak a fek chinnak dingah kan zuam lai tiin bia kan chah cia mi a si” tiin Russia news agency RIA nih a tial. Taluk, Russia telin UN General Assembly nih June 18 ah ralhrangbu sin ah hriamnam zuar lo ding telin Democracy lam zulh ding, tlaihmi vialte thlah dingin biachahnak a tuah.
A tubantukin Russia nih ralhrangbu sinah hriamnam zuarnak le ralkap lei pehtlaihnak tha tein a kal pi rih mi cungah human rights activists pawl le vuleicung huap bu hna nih an sawisel ngai. A bik in Russia nih ralhrangbu a chonhbiak ning cu phungning tein a kai mi cozah pakhat bantukin a cohlang mi a si tiah an ti. #bbc burmese/ The Chin Post
Leave a Reply