A Poi Taktak Si! Ram Caah Thi Ding Hrimhrim In Lam Cungah A Chuakmi Nusal Tha, Kan In Phil Kho Ti Lai Lo!

Ram le miphun caah thi ding hrimhrim in Lamcung ah a chuakmi nusal tha! A nule pa nih pangpar bantuk in an zohmi fanu fangkhat cu nihin ah misual ralkap kut in a nunnak a dih. Kum 19 nute Kyar Sin cu Mandalay ummi a si. Sammehnak dawr a tuahmi an si i amah hi fanu fangkhat ngeih chun a si. Cun a nih hi zohdawh lam a chimmi sayama pakhat a si.

Kyar Sin cu a hawile he sandah a piah i ralkap le palik he hmaitonh an um lio ah. Inn cunglei in ralkap nih Snipper in an kah caah a hmun ah a thi. A thih lai aa theimi ko a lo. A hngawng ah aa thleihmi ah a tialmi cu “kei cu minung tha ka si khawh peng nak ding a fian tung lo cun ka chan hlah uh. ..cun ka tak pum cungah san a tlaimi a um cun ka hlut ka thi B+ asi. ” tiah a tial a min a thut phone no a tial chih.

A angki hrukmi hmai zongah a tialmi cu ” zeizong vialte a tha dih ko lai. ” tiah a ti. A nusal bak. Sandah piahnak ah hmailei ah a um. Tihnak zeihmanh a ngei lo. Nihin cu a nunnak pek ding hrimhrim in aa thawh. Ram le miphun thinlung ah a cam peng lai. Upatnak kan pek cio. A thih hlan deuh ah a cawlcangh ning atang link ah video in zoh hmanh. A chimmi cu ahmanh kan tli lai lo. Hmai um pawl thu uh thih cu a si kho lai lo hih. ..a ti tlawmpal ah an kah i a thi. Credit: TCT

Video Click