Tuchun thawngpang kan theih cu nan celh cio lai lo. India Cozah nih Kawl Ralhrang hi a dirpi rih ko hna ti cu fiang tuk in theih khawh a si. Nihin chun CNF/A sakhan pawng Farkawn i, Hi zatzat thil an tlaih ko cu a poi in a poi taktak. Laimi nih tampi kan thawhmi Phaisa in kan cawkmi thil a si ti cu el awk a tha lo.
Nihin June 22, 2021 ah khan India-Myanmar ramri, CNF Sakhan pawng a um mi Farkawn khua ah, BOMB le a puahnak thilri tam taktak cu Assam Riffle pawl nih an tlaih tiah kan theih.
Nihin ah Bomb le a puahnak thilri pawl tamtuk pin ah a phortu minung 2 zong India Cozah nih ramri a hngah ter mi hna Assam Riffle nih an tlaih chih hna hi a si i an tlaih mi hna minung pahnih cu Dungtlang Police Sakhan ah an kuat colh hna ti a si.
An tlaih mi thilri pawl hi, Bomb puahnak thilri Bag 63, Lung Bomb Bag 37, cun Bomb puahnak ah hman mi wire kual 4, dohnak ah hman mi Bomb ti bantuk in tam taktak an tlaih hi a si.
Farkawn khua hi Mizoram le Chin ram karlak ramri ah a um chun mi khua a si i CNF Victoria Camp pawng te ah a um mi, Mizoram in CNF Camp kal nak ah a naih bik nak a si.
Assam Riffle cu India Cozah nih Ramri hngak ding in tuanvo a pek mi hna, Laitlang in Mizoram lei ah a zam mi, kan mah Laimi tampi an kan khamtu zong an si. Atu bantuk in Bomb le thilri tamtuk an tlaih hi cu a poi taktak khi a si.
Leave a Reply